Read Gidar 3 Zaŋ 1 Bible Online

3 Zaŋ 1 - Gidar bible

3 Zaŋ 1

¹Əntə daya net kretiyenɗe, nədaw ver sən Gayus baynaw na makrawa, məs nəŋgəl də goŋga.

²Baynaw na makrawa, nəŋgəl suk na zəga pak dəsan suk gən mogoni vi zam na gəɓa zuko. Vaski bo zeŋgillok wasan də zamə.

³Zuk annekək diiɗa daga milmiŋgiɗəm azoŋgu, nəpprəmək wən nok səmeti, apelinək wən nok va kədaw sok zuk aza goŋga, va wəsuwa nok kədaw sok adəv goŋga pay pakə.

⁴Wən tay naneken zu dayki an nəpprəm na milmiŋgiɗu tahəŋ wəsbanən tive na Maŋgəlva də goŋgaŋ kəmpa ɓa.

⁵Baynaw na makraw, istatə gay əbaah sit milmiŋgiɗu də goŋga, ko dit melekeɗ pakə.

⁶Apelinək wənna əŋgla nok abet kretiyenɗe mogoni. Intatə komoko abaah siti vi malaka neti, əbaah nok bo mogoni aza Maŋgəlva.

⁷Vaski agulyoŋko ambataŋgək aka wəza na Zezu Krestu, dətafaŋ zəga ko suɗike səvet ɗii məs dəsənən Maŋgəlva ɓaɓa.

⁸Vi vaski, məbaah səm sit ɗiiyen veski, vi məgəɗ gən wəza dənɗaŋ wəza narban goŋga.

⁹Nəverik ɗereweləŋ duɗuko sit kretiyenɗe, amma Diyotrefes məs dəŋgəl wəsan daya neti, ya dətaf an məs nədawnah ɓa.

¹⁰Vi vaski an nədeke, wanərban wəza nan məs agəɗ pakə, də wəpel mbrayen məs adawpel akamə, də tepelke məs adawa akamə. Amma anami kaaka ɓa, dəŋger ətaf milmiŋgiɗəm annanda ɓa, yas adawtak ɗii meɓɓet məs dəŋglaŋ ətefti, yaŋ kadaw gilgit suweleŋgit kretiyenɗe.

¹¹Baynaw na makrawa, kədasban wəɗɗa mambray ɓa, say asban wəɗɗa mogoni. Ɗəf məgəɗ mogon pak Wətən Maŋgəlvayi, amma məgəɗ mambray na, nan dəɓəl əsən Maŋgəlva ɓa.

¹²Amma Demetriyus, ɗii pak tahəŋ wənahaŋ na Demetriyus megeɗ zəga mogoni sawɓa. Goŋga bo tay pel akan na gesiŋgi, nam bo məɗɗak saydawa nani, kəsənka an məs mədaw pel pak gesiŋgi.

¹³Wən tay diiɗa nədaŋgla əver suko, amma maw tayaka əver suk dəzəga naw ver ɓa, də iŋkile nan ɓa.

¹⁴Nəsənək na abeŋ suɗike na, wanəmbat annokda, aməpelen də mamə.

¹⁵Asok zayə. Bayneŋguɗuk nahəŋ pak asɗokunko. Asɗet bayneŋgiɗum nesiŋ taka taka pakə.