Read Gidar Hənhən 15 Bible Online

Hənhən 15 - Gidar bible

Hənhən 15

¹Nulak sokene maɓɓan metiŋgin a disiŋ, agəɗ suwək gərəŋgə, maslayɗe buhul də bonoy avet buhul an dərɓe faɗə, adəv bonoy nani, wəda gədəv na Maŋgəlva adagrak pakə.

²Nulak pe'e bo va darawgal məslahan də offo, nulek ɗii məs dədayaŋ ki zəga mamanya neki, də foto nan pakə də wəŋɗa na iya na ɗəf nak pakə, tahəŋ ziw ziw ama pe'e va darawgal naka, tahəŋ də gazamvəl məs Maŋgəlva apsit aveti.

³Tahəŋ wəyaŋ gəlya na Moyis məgəɗ wəza na Maŋgəlva, gəm gəlya na botol na Maŋgəlva, yaŋ adawyanən gəlya nan na: Ɗəfdaya Maŋgəlva sembe pak noki wəzeɗe nok gugiriɗəŋ nagət aketəŋ, əstə məlĩ net ɗii naka dələv pakə. Tiveɗ nok pak təstəssəŋ mogetiŋ.

⁴Ɗəfdaya naway məza aw geslne suk ɓa di? Naway məza aw gakdokok ɓa di? Vi əstə salala* kaaka'ə, ɗii naka dələv pak wazoŋ wəkdukoŋ aboko, wazuliyaŋ sukuni. Vi wəza nok pak təstəssi, tayərban zən appaka ta'ə.

⁵Dərɓaga as pak nulak gəla metiŋ naw zuliya* a disiŋ, də gəla məɗɗan də gabaga nalma* də Maŋgəlva akolko.

⁶Maslayɗe buhul agulyoŋguk sədəv gəla metiŋ naw zuliya naka, tahəŋ dit bonoyɗe buhul aveti, aguloŋguk lukutɗe azet baberɗe məzu wiɗeŋ, aynanənək dadakit də kətu na meleŋge.

⁷Yaŋ zəga taka suweleŋgit zigeɗ maderet poɗo nek apsitik makasliɗe na meleŋge sit maslayɗe buhul neki, məknahit paah də wəda gədəv na Maŋgəlva an nawsan madaran ha faɗə.

⁸Gəla metiŋ naw zuliya nak aknahək dit enene məs dəzoŋ səza gakdak na Maŋgəlva də sembe nani. Ɗəf tay naw ɓap wəgul adəv gəla metiŋ nakɓa, say an bonoy buhul məs maslayɗe buhul akiyaŋ nak agəɗək gərak tagay.