Read Gidar Hənhən 22 Bible Online

Hənhən 22 - Gidar bible

Hənhən 22

¹Yaŋ maslay nak arban su məlpa net iŋkile na zeŋgille. Tay wiɗ va darawgal, səka walaŋ mazaŋga na məlĩya də Botol na Maŋgəlva ade.

²Aka tive na walaŋ gəla metiŋ adadawa. Wəlaŋga na zeŋgille tayadak dəka təkzləmən daha daha pakə. Tayuwa təl klaw kiyən sula adəv wəsva taka pakə, adəv təla pak təl taka adawa. Van bo akpaŋgək miha na mbəl git ɗii nak dələv pakə.

³Zəga məs Maŋgəlva aray gən pak taya walaŋ gəla metiŋ van ɓa. Mazaŋga na məlĩ na Maŋgəlva də Botol nan pak adaki asani, məzəɗɗaŋ sənən wəza sən Maŋgəlva wazuliyaŋ sənəni.

⁴Wawlanən Maŋgəlva də hereti, iya nan tay məverin amirbisti.

⁵Dəfəɗ taya dak ɓa, wəray tay na pitirla adak ɓa, walla na pay ɓa, vi Ɗəfdaya Maŋgəlva sən kiyən wasan təki babar neti. Wazəmaŋ məlĩ ha dudan.

⁶Yaŋ maslay nak apsu na: Wənnəs pak gesiŋgi, təstəssi wən vani, Maŋgəlva Ɗəfdaya, məs dəpsit Əmpəs nan sit məs kleŋɗe, aslinik maslayɗe nani, vi dərbanən gən an məs dədaɗɗa gu' gesiŋ.

⁷Zezu amna: Apprəma, əntatə zaw də kakara! Ɗii məs dəsbanən wən nadəv ɗerewel net məs kleŋɗe zit wasan neki!

⁸In Zaŋ nəpprəmək wənnəs pakə, nulaka. Səza nəpprəm wən nani, də ulani, nəkdukuk amba təl maslay məs dərban zəga pak naka, vi kawzuli səni.

⁹Amma yaŋ apsu na: Kay kədaɗɗa vas ɓa! Naw bo gawla na Maŋgəlva nan va isi gəm va milmiŋgiɗu məs kleŋɗe, va ɗii məsbanən ɗereweləŋ pak nani. Azulisən Maŋgəlva!

¹⁰Yaŋ anah su əmpa na: Kədaw ɗaman əpel net məs kleŋɗe sədəv ɗerewləŋ ɓa, vi payan məɗəyən ka wənnəŋ dəgəɗ gənnəŋ go'oy aza wəgapa.

¹¹Ɗəffan mambray pak dəsban wəɗɗa mambray nani, ɗəffan dəsan də zəga daryaw, dəsban wəsan də zəga daryaw, ɗəffan məgəɗ mogoni, dəsban wəɗɗa mogoni, ɗəffan təstəssə, dəsban wəɗɗa təstəssə.

¹²Zezu amna: Məzi zukum! Gu'o nan aza wəzawa. Wanəki riba dazawa, kapsən ko naway va aza wəza nan məs agəɗə.

¹³Əntə A, əntə Z, əntə Tizi na zəga pakə, əntə bayma na zəga pakə, əntə wətəŋ na zəga, əntə wəbayma zəga nan pakə.

¹⁴Zəzay azet ɗii məs dəskoɓən kulutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgille, warəhaŋ wətoŋ kla madambeɗe na walaŋ gəla metiŋ neki.

¹⁵Amma məɗɗaŋ ɗarɗarə, dit məɗɗaŋ sokene na tuya, dit məɗɗaŋ mana'a, dit məbayaŋ gəbaya, dit məzuliyaŋ sənən tuya, dit məŋglaŋ tepelke dit məwaŋ tepelke, dewle net wasoŋ amapoho na walaŋ gəla nani.

¹⁶Əntə Zezu nəslənək maslay nawa dəpel sukum gən wənnəs pakə, azet Kretiyenɗe pakə. Əntə əlfən Davit, əntə baŋgay naba pumpum məzuwiɗe.

¹⁷Əmpəsa dət waŋ məgəmte aɓɗaŋ na: Ade! Ko naway dəpprəma, say dənah na! Ade! Ɗəffan meme adawdaŋ pak dəde, ɗəffan dəŋgəl iŋkile na zeŋgille warah na mekeleŋ.

¹⁸In Zaŋ, əntatə səɓ sukum, ɗəffan dəpprəm wənna kleŋgəŋ sədəv ɗereweləŋka: An ɗəf nan akiyək wən maɓɓan akani, Maŋgəlva wapsən maŋgesl kita nani, ndəni bonoy məs ɗereweləŋ arban wənnani.

¹⁹An ɗəf akdahək wənna kleŋgəŋ sədəv ɗereweləŋka, Maŋgəlva wakdəh haran nan səza uwa na wəlaŋga na zeŋgille də haran nan sədəv walaŋ gəla metiŋgin məs salala*.

²⁰Ɗəffan məs dədaɗɗa saydawa aka goŋgaŋ pak amna: Gesiŋ gu'o nan aza əzawa. Ha'aw dəgəɗ vaska! Ade Ɗəfdaya Zezu!

²¹Mbəlembəle na Ɗəfdaya Zezu dəsan də ko naway pakə.