Read Gidar Hənhən 4 Bible Online

Hənhən 4 - Gidar bible

Hənhən 4

¹Nəwələk zəga maɓɓan əmpa, nulak madamba viŋge a disiŋ. Nəpprəmək wəla ɗəf dabəŋ va gosloro tay pel suwa, amna: Ade aŋka, wanərban suk zəga məs dədaɗɗa abe, dərɓaga aŋka.

²Go'ləŋ Əmpəs agəm wəka, akəwək a disiŋ atəki məs mazaŋga na məlĩ asani. Ɗəf tay tuŋgo aka mazaŋga vani.

³Haran tay wiɗ va gərəm zaspa də gərəm sardisa. Mazaŋga na məlĩ nan tay tuwəɗ də məzəɗa, uwiɗ nan va gərəm imaradi.

⁴Mazaŋgeɗ tahəŋ kaklaw sula kiyit poɗo tuwəɗ ki mazaŋga na məlĩ naka, ɗii gugiriɗ tahəŋ kaklaw sula kiyit poɗo tuŋ tuŋ aket mazeŋgeɗ neki, dit lukutɗe baberɗe azeti, də mətər kiya na meleŋge.

⁵Səza mazaŋga na məlĩ naka, uwiɗ na buna də ɓaɓəlmani, də wəhay nani pak tay gilyan səza mazaŋga na məlĩ naka, əmpa bo, pitirleɗ buhul tahəŋ mərmet aba mazaŋga na məlĩ naka, ndəɗaŋgəŋ Əmpəs na Maŋgəlva.

⁶Aba mazaŋga na məlĩ naka, pe'e tayadaka, tay wiɗ va darawgal. Aka walaŋ mazaŋga na məlĩ naka, zigeɗ madereket tahəŋ poɗo tuwəɗ kini, zit pak sərət məɗi siti hereti, dərɓegeti də dəɓet pakə.

⁷Zigeɗ maderet neki, an madabəŋ agilik va ɓolu, ma sula'ən agilik va bəlatəkə, ma hoko'it bo haran agilik va ɗəffa, mapoɗo'it bo agilik va zalha məzu veŋge.

⁸Zigeɗ maderet poɗo neki, ko naway pak tay də persleken slirre, zit pak sərət məɗɗa sit hereti, kla divti hereti, klappaka hereti. Affeteŋ ɓa kapay də dəfəɗ pak tahəŋ wəyaŋ gəlya, tahəŋ wənəhaŋ də gəlya nan na: Salala*, salala, salala, ndəni Ɗəfdaya Maŋgəlva məs də sembe pakə, məs dəsan daga farfarə, ndəni dəsan kakaŋka ndəni bo məs dədazani.

⁹Pay zigeɗ maderet poɗo adawyaŋ gəlya pakə, vi kaw gakdakan də wəɗi kini də wəgəɗsən soko sən ɗəf məs dəsan aka mazaŋga na məlĩ naka, nan madaran adawsan pay pak ha faɗə.

¹⁰Ɗii gugiriɗ kaklaw sula kiyit poɗo nek akdukunək takperet aba ɗəf məs dəsan aka mazaŋga na məlĩ naka, tahəŋ wəzuliyaŋ sənən ɗəf məs nawsan ha faɗ naka. Tahəŋ wəsganən mətər kiya net aba mazaŋga na məlĩ naka, tahəŋ wənahaŋ na:

¹¹Aw Ɗəfdaya namə Maŋgəlva namə, əstə kəgap nawtaf gakdak də wəɗi kiyuk də sembe. Vi əstə kəzməɗ zəga pakə, də əŋgla naki zəga pak asan madarani.