Read Gidar Hənhən 6 Bible Online

Hənhən 6 - Gidar bible

Hənhən 6

¹Nulak botol daga adawkol tampoŋ an dabəŋ, səmbret tampoŋɗe buhul neki, yaŋ nəpprəm wəlla ɗəf taka səmbret zigeɗ maderet poɗo neki dawnah də wəlan va wəhay na buna: Ade.

²Yaŋ nəzi harawa, nula pələs babara. Ɗəf nakan bo tay də ble vani, məpsəni mətər kiya. Ambatək vi kawtak wəla, watak wəla'a.

³Yaŋ botol nak akol tampoŋ ma sula'ən, yaŋ nəpprəm zəga madaran ma sula'ən dawnah na: Ade.

⁴Yaŋ pələs maɓɓan agili, pələs nan peppreŋgi, ɗəf nakan bo məpsəni sembe, dəɗɗa gən wəgay aka dələv pakə, ɗii dəbayən gən ziti. Məpsəni kafahi metiŋgini.

⁵Yaŋ akol tampoŋ ma hoko'ən, yaŋ nəpprəm zəga madaran ma hoko'it amna: Ade. Yaŋ nula pələs titire, ɗəf nakan tay də zəga nawsla zəga avani.

⁶Nəpprəmək wəla ɗəffa va wəla zigeɗ maderet poɗo neki, yaŋ adawnah na: Alkamari na tasa taka wəfaɗ nan va wəfaɗ na wəza nasɓəta taka. Hay bo tasa hoku wəfaɗ nan bo va wəfaɗ na wəza nasɓəta taka'a. Kədaw tattuwannən mel də zəga naw saa ɓa.

⁷Yaŋ botol nak ahok tampoŋ ma poɗo'ən, yaŋ nəpprəm zəga madaran ma poɗo'it nak dawnah na: Ade.

⁸Yaŋ nədawla, nulak pələs kprohprohu. Ɗəf nakan bo iya nan na əmta, təki nambat net ɗii mimtit taysəbani. Məpsiti sembe aka dələv zlaŋgattaka kawbay ɗiiyi də kafahi, də manya, gəm də gbəgba'a, gəm də zəga mamanya nawra aka dəlva.

⁹Yaŋ botol ahok tampoŋ masle'en naka, nulak zeŋgillet ɗii məs məbeyit vi adarbanən wənna Maŋgəlva, vi saydawa məs adaɗɗaŋ də goŋga, atəki nawtaw wəla zəga sən Maŋgəlva nule.

¹⁰Yaŋ adaŋzlaŋ vamvəl də wəlet dayadaya na: Ɗəfdaya məs salala*, məs də goŋga, dewɗe kədawtaw kita aket ɗii naka dələv məs dəbaymən də wəmpəl ki piɗe nan di?

¹¹Yaŋ məpsit lukut babar taka taka net pakə, yas mənah sit na məffet suɗike tagay ɗa, ha wəŋɗa net milmiŋgiɗkum məɗɗaŋ wəza na Maŋgəlva məs məɓeyit venet dəgap gəni.

¹²Pay botol ahok tampoŋ maslireni, nulak dələv aɓələk diiɗa sawɓa, pay akpaŋgək va lukut titire, təla bo akpaŋgək peppreŋ va mbeli.

¹³Ngərzleɗ na disiŋ bo abətaŋka fuŋ, va sokoya adayo kirtin məs dəɓəlaŋ ɓa. Pay səmnya metiŋgin adaɓlani.

¹⁴Kəti a disiŋ bo atrayək va ɗerewel məktəmən, mosorgoɗe mətuwəra pak məzer giti sə gileti.

¹⁵Məlĩyeŋge naka dəlva, dit ɗii gugiriɗ, dit dayeɗe net sozeɗi, dit məs aryeɗi, dit ɗii məs də sembe, dit balemɗe, dit ɗii məza balemɗeŋ ɓa pak aɗamaŋgək abətəŋ net massorgeɗe dit kuneŋge.

¹⁶Annəhaŋgək na massorgeɗe dit kuneŋge məɓəsl akamə, məɗamam səba ɗəf məs dədayə məs dəsan aka mazaŋga na məlĩya, gəm səma wəda gədəv na botol na Maŋgəlva.

¹⁷Pay metiŋgin na gidivit nawda agapka. Naway də sembe nawtakən di?