Read Girawa 1 Jon 1 Bible Online

1 Jon 1 - Girawa bible

1 Jon 1

¹Fasi ige no isoena naejiavo ijeja no vua ije ma karivako ijadufuo ijene isoena naejiave. Ro E Ije vua ma karivako ije abe ruaema ije fune isuibe aesakae ige bu naebe amaeriva ijia Godiki besu fi ruae. Ro E Ije no vua fuone abe oenoejo ije no vua fuone ije none fie ro kuke none ni nuvuone igia fu gae. Ro ije fuka ma none ni nuvuone ijia gakinu ro vajae fuone none umui nuvuone ijia farena gae.

²Ro E Ije fu vua ije ma karivako ijadufuo vua ije fune abena e boegiebuo nidua ijia romoga none gae. Ijadufuo no vua fuone abena e boeje kuarianoekinu ro ja kuariave. No ijiege kuariaga ja vua ijene mukoreigia fiena vierafero E Ije fu vua ma karivako ije abe ruaema ije fune isuibe Asoe fuone ijiaki fina ruae. Ro iviama fu nuvuone ruaemaro ja ijiege vierafeke.

³Ijadufuo no irere no giakinu fieva no ijene abena ja kuariave. No ijiege kuariaga ja fiena roga no besu afuina una Asoe nuvuone ijiakiro Fari fuone Jesu Kuraesi ijena besu goruvekinu karivake.

⁴Ro vua ige no isoena ja nijiavo ijadufuo maeje ja vua ijia dana oemarekinu karinoeke. Ro kuke no izege ije ja oemarevo ije fiekuva nodua noka ijiege oemarekinu karinoedufuo. Godi fuka sanaema ijene

⁵Ro vua ige no nijasiavo ije no Godido Fari ijare kuaruema no ijene abena ja kuariave. Godi fuje fuka sanaema ijene ro are iziebure fu fino ije fuka sanaema ijiaru ro titutema ije ja ijia gakuva baki.

⁶Ro no kuae noeje no Godina agane besuno kuae rove vua nuvuone no kuaevo ijiakiro nuvuone no kenoevo ije no uria titutema ijia kenoejogakuva ije noka e iti kufuiki.

⁷Ro no maza boeje ijiege Godi fu sanaema ro fu fino ijiege kari vakuva ije none una besu goruvekinu karinoeve. Ro kuke Fari fuone Jesudo kavuane ije fu ise nuvuone boeje no renoejo ije soejuokinu karaunuome.

⁸Ro no kuae no ise bino renoejo bakino kuaekuva ije noka kufuimeve. Ro kuke vua maeje fu oe nuvuone ijia namo baki.

⁹Ro no ise nuvuone boeje no renoejo ije Godi kuarakuva fuje fuka naenitua ma renoeno ijadufuo fure ise nuvuone boeje guona areke. Ro kuke fu vame ise no renoejo ije fikorejuoke.

¹⁰Ro no kuae no ise renoejo bakino kuaekuva ije noka Godi dabe kufui igege kuaenoeve. Ro kuke vua fuone fu oe nuvuone ijia namo baki.