Read Goan Konkani Mt 13 Bible Online

Mt 13 - Goan Konkani bible

Mt 13

¹Teach disa Jezu ghorantlo bhair sorun doriachê dhodder vochun boslo;

²punn lokache itle vhodd zome Tachê sorxem aile, ki To eka hoddear choddun boslo ani sogllo lôk dhodder ravlo.

³Ani tanchekodde uloun, Tannem tankam sobar vostu voparimnim sangleô. Tannem mhonn’lem: “Polleiat, konn-eklo vomp’pi vompunk gelo.

⁴Vomptanam thoddem bim vatte-deger poddlem ani suknnim ailim ani tãnnim tem khelem.

⁵Biak zobor mati nasli te koddpi-zomnir thoddem poddlem; te matiek kholai na zaun tem rokddench kirlolem. thõi chôdd-xi mati nasli; ani matiechi kholai nasli dekhun, tem rokddench kirlolem khorem,

⁶punn vot khor zatôch ulpolem, ani pallam na zaun suklem.

⁷Her kantteam modem poddlem, ani kantte vadd’toch taka chepun dhôrlem.

⁸Her borê zomnir poddlem ani pik zalem: ekak xembhôr, dusreak satth, ani tisreak tis.

⁹Kan asleleamnim aikunchem.”

¹⁰Tedna xisamnim lagim sorun Taka vicharlem: “Voparimnim tanchê kodde kiteak uloitai?”

¹¹Tannem portipall kelo: “Kiteak Sorginchea Rajeache gutt ollkhunchem dennem tumkam dil’lem asa; team herank na.

¹²Asa tankam Dev anink-ui ditolo ani tanchem map bhoron òt’telem; punn na tankam, asa tem porian tanchê koddlem Dev kaddun ghetolo.

¹³Hea pasot Hanv tanchê kodde voparimnim uloitam, kiteak polleun-ui tankam disona, ani aikun-ui tim chit dinant nhoi mhonn somzo-i nant.

¹⁴Adinch Izaiasan oxem sanglolem:dolleamnim tankam disona zanucheak, kanamnim tankam sarkem aikunk mellona zaunche khatir, monan tankam somzona zauncheak, ani, tim Mhojê-xim portun ieun, Hanvem tankam borim korina zaunche khatir . ’hea lokachem kalliz zodd-nibor zalam, tanche kan bhere zaleat, ani tannim aple dolle dhampleat’, tea pasot Aikun-aikun tumkam kãi somzochem na polleun-polleun tumkam kãi dischem na.’, tem tanchê sovem pallon ieta.

¹⁵

¹⁶Punn polletat dekhun, te tumche dolle ani sarkem aikotat dekhun, te tumche kan bhagi!

¹⁷Hanv tumkam khorench sangtam: tumi polletat tem polleunk zaite provadi ani nitivont mon’xam axelim, punn tankam polleunk mell’lem na; ani tumi aikotat tem aikunk-ui tim axelim, punn tankam aikunk mell’lem na.

¹⁸Chit diun aikat, tor, ani Vomp’p-eache voparicho orth kitem to zomzun gheiat.

¹⁹Rajeachem utor aikotat ani tem somzonant tim vatter vomplelea bia sarkim; devchar ieun tanchea kallzant vomplelem tem kaddun vhorta.

²⁰Khoddpi zomnir poddlelem bim utor aikotat ani rokddinch tem hurben manun ghetat tim mon’xam;

²¹punn tankam apnnam bhitôr pallam nant; ani tim thoddoch vêll thir urtat; tea utrak lagun upodre ani dhumallo iena fuddem tancho bhavart rokddoch halta.

²²Kantte-amnim vomplelem bim utor aikotat tim mon’xam, punn hea sonvsaracheô dhasti ani girestkaiechi bhul utor damun dhôrtat ani taka pik zainam.

²³Borê zomnir vomplam tem, utor aikotat ani somzotat tim mon’xam; him pik ditat, ekak xembhôr, dusreak satth, tisreak tis.”

²⁴Aniêk vopar tankam ghalun Tannem mhonn’lem: “Aplea xetant borem bim vomplelea eka momxa porim sorginchem raj.

²⁵Sogllim nhidlelim astana, tacho dusman ailo ani gonva modem nêr vompun gelo.

²⁶Xet vaddon konnsam ietôch, nêr-ui dixtti poddlo.

²⁷Ghorkaracheam vavraddeamnim tachê sorxem ieun mhonn’lem: ‘Dhonia, tujea xetant tunvem borem bim vomplelem nhoi? Tôr nêr khõicho ailo?’

²⁸Tannem oxi tankam zap dili: ‘Hem dusmanan kel’lem kam’. ‘Chakramnim taka vicharlem: ‘Ami vochun xet nôddlelem tuka zai?’

²⁹Tannem zobab dilo: ‘Naka; nêr umttitanam, ghoddiek tumi tea borabôr gonv-ui umttixeat.

³⁰Lunvnni ieit porian don-ui borabôr vaddom-di; ani lunvnnechea vellar, poilo nêr ektthãi korun ujeak lavchê khatir, tachim penddkulam bandat; magir gonv mhojea koddeant bhôrat mhonn hanv lunvteleank sangtolom.’ ”

³¹Ani êk vopar ghalun, Tannem tankam sanglem: “Sansvachem bim gheun, eka mon’xan tem aplea porsant lailem tea sansvachea bia porim sorginchem raj.[4]

³²Tem khorench soglleam bia-vôn lhan; punn vaddtôch, sogllea zhadd-palea vôn vhodd zaun, ek zhadd zata, ki varea velim suknnim ieun tacheam khandiancher vosti kortat.”

³³Jezun anink êk vopar tankam sangli: “Êkê bailen khomir gheun, vhoddlim tin mapam môll’lo-pittant to misoll kelo ani sogllench pitt fuglem; tea khomira porim sorginchem raj.”

³⁴“Voparimnim uloitolom, sonvsar rochloleak gupit asleleô vostu ugteô kortolom”, oxem provadeachem hem utor khorem zaunche khatir Jezun voparimnim soglleô heô vostu porjek sangleô ani voparim bogor To tanchê kodde kainch uloinaslo.

³⁵

³⁶Tedna, lokak dhaddtôch, Jezu ghorant bhitôr gelo, ani Tacheam xisamnim Tachê sorxem ieun mhonn’lem: “Xetantlea nerachê voparichi somzonni amkam di.”

³⁷Tannem portipallun tankam sanglem: “Borem bim vompta to Mon’xacho Put.

³⁸Xet mhonngê sonvsar. Borem bim mhonn’lear Rajeachim bhurgim. Nêr, Noxtteachim bhurgim.

³⁹Nêr vomplo to dusman, devchar. Lunvnnecho vêll, kallachi sompadnni. Lunvpi, devdut.

⁴⁰Zoxem nêr ektthãi korun ujeant lastat, toxem kallachê sompadnnek zatelem.

⁴¹Mon’xacho Put Apleam dutank dhaddtolo ani dusreank patok korunk oddun vhortat team soglleank ani her soglleo noxtteo vostu kortat tankam Tachea rajeantlim zomoun

⁴²te ujeachea agtteant uddoitele. Thõi sogllim rudon korun ani dant korkoraun astelim.

⁴³Tedna Devak manovlelim mon’xam aplea Bapachea rajeant suria vori porzolltelim. Aikunk kan asleleamnim aikunchem.

⁴⁴eka xetant liplo-aslo êk tthevo mell’toch, to novean lipoun dovorun, ani itlo khuxal zaun ki vochun, magir apnna kodde aslem titlem-i vikun ani porot vochun tem xetuch viktem gheta tea konn eklea monxa porim sorginchem raj.

⁴⁵Têch bhaxen ek unch molachem motim mellona fuddem vochun, apnna kodde aslem titlem-i vikun ani tem motinch viktem gheta tea, nazuk motiam sodunk bhonvto, eka veparea sarkem Sorginchem Raj.

⁴⁶

⁴⁷Toxench êk rampônn doriant marlea uprant, tika soglleam jin’sanchi maslli podd’toch, ti bhòrlea uprant, ti oddun haddtat ani veller bosun, bori maslli panttleamnim ghaltat ani upkaronam ti bhair uddoitat te porim sorginchem raj.

⁴⁸

⁴⁹Kallachê sompadnnek toxench zatelem: devdut bhair sortele ani boream mon’xam modlim noxtteank kuxin kaddtele

⁵⁰ani tankam ujeachea agtteant uddoitele: thõi tim rudon korun ani dant korkoraun astelim.

⁵¹Hem sogllem somzoleat tumi?” Jezun tanchekodde vicharlem. Tannim mhonn’lem: “Hôi.”

⁵²Ani Tannem tankam sanglem: “Mhonntôch, sorginchea rajeacho xis zalolo dôr-eklo dhormxastri aplea bhanddarantleô noveô ani pornneô vostu bhair kaddtelea eka ghorkara sarko.”

⁵³Heô vopari sangun sompoitôch, Jezu thõicho bhair sorun gelo.

⁵⁴Ani Aplea khaxa ganvant vochun To tanchea devsthanant oxi xikovnn ditalo, ki lôk ojap zaun mhonntalo: “Hi zannvai ani vismitam korchi podvi haka khõichi?

⁵⁵Ho thov’iacho put nhoi? Maria mhonntat ti tachi avoi nhoi? Ani Jakob, Juze, Simanv ani Judas tache bhav nhoi?

⁵⁶Ani tacheô bhoinni soglleô amchêch modem asat nhoi? Tôr hem sogllem taka khõichem ailem?”

⁵⁷Ani Taka mandun gheunk tanchean zainaslem. Punn Jezun tankam mhonn’lem: “Eka provadeak fokot aplea khaxa desant ani aplea ghorant man na.”

⁵⁸Ani tankam bhavart naslo dekhun Jezun thõi chodd-xim vismitam kelim nant.