Read Goan Konkani 2 Kor 5 Bible Online

2 Kor 5 - Goan Konkani bible

2 Kor 5

¹Hea sonvsarant ami hê kuddichea tombunt biradd korun asanv to tombu moddon gelo zalear, mon’xan-cheam hatamnim bandunk naslelem, sasnnak togpachem ani Deva koddlem ghevpachem, ek ghor amkam sorgar toiar kel’lem asa mhonn ami zannanv.

²Vingllim zal’leam mon’xam vori ami hea tombu bhair poddlelim zaun nhoi, punn ozun hea tombunt jietana, hea atanchea biraddacher tem amchem sorginchem ghor gheunk ami axetanv, ani hê axen amchê sonvsari ghotint ami pinrgotanv.

⁴Kiteak hea tombuchi, mhonngê hê kuddichi, nhesônn kaddun uddounk amchi khuxi nhoi, punn hêch nhesonnicher dusri nhesônn gheunk amchi khuxi; dekhun hea tombunt, mhonngê amchê kuddint, jietana, eka bhara khal chepon aslelê bhaxen ami pinrgotanv; oxem jem kitem amchê bhitôr vinaxi asa, tacho bhosm zatolo: hem ovinaxi jivitachem zoit!

⁵Heach xevottak khud Devan amkam toiar keleant; ani Tannench hacho ixaro koso amkam Atmo dila.

⁶Mhonntôch, kuddint aso-sôr Somia thaun ami pois asanv mhonn zanno zaun-ui, ami visvasan bhoron jietanv.

⁷Kiteak ami dolleamnim polleun nhoi punn bhavartan choltanv.

⁸Khorench ami visvasan bhoron jietanv; ani khorench mollear, hê kuddintlim bhair sorun Somia sorxem jieunk amchi axa.

⁹Ami kuddint jieum vô kuddi bhair jieum, amchi êkuch khuxi mhollear Taka manonk.

¹⁰Hê kuddichea jivitant astana jem kitem zonn-eklean vaitt vô borem kelam, tea pormannem apnnak favo tem gheunk ami sogllim Kristachê neaisodrê mukhar ubim ravchim mhonn Devachi khuxi.

¹¹Mhonntôch Somiachi bhokti khorea monan korun, mon’xank jikun gheunk ami vavurtanv. Amchi vagnnuk Deva mukhar ugti; ani tumchea-i ontoskornna mukhar ti ugti asa mhonn ami visvas dhôrtanv.

¹²Ami vhodd mhonn tumkam dakhounk ami novean proitn korinanv, punn tumkanch amchê vixim vhoddvik bhogunk ami tumkam soêg ditanv; oxem jim konn kalliz ani mon polleun nhoi, punn fokot bhailich vagnnuk polleun boddai sangtat, tankam tumchean fuddo korun zobab diunk zatelem.

¹³Ami pixe mhonn dista konnak? Hôi zalear, Deva pasot ami pixe; punn khorench mhonn’lear ami pixe nhoi, ani amchem xanneponn tumchea faideak.

¹⁴Karonn Kristacho môg amkam thar dina, kiteak Eklo soglleam khatir melo zalear, sogllinch meleant mhonn amkam khatri asa.

¹⁵Khorench, To soglleam mon’xam khatir melo. Oxem kiteak? Jivim asat tim apnnam khatir ani-anink jieunchim nhoi mhonn, punn tanchê pasot melea uprant Zaka Devan punorjivont kela, Tachêch khatir.

¹⁶Hea pasot, hem sot ami ollkhunk pavleanv tedna thaun, ami konnakuch mon’xasoimbachê nodren polleun lekhinanv; ani zorui ami ekdam Kristak mon’xasoimbachê nodren lêkhla, torui atam Taka toso anink ami lekhinanv.

¹⁷Mhonntôch, konn-ui Kristachea ekvottant asat tôr, tim êk novi rochnna; pornnem tem gelem, atam sogllench novem!

¹⁸Hem sogllem Deva koddsun ailam; Tannench, Krista vorvim sondhan korun, amkam Aplê vengent portun haddleant, ani hea sondhanachi seva amchea hatant ghalea.

¹⁹Hanv sangunk sôdtam tem hem: Dev mon’xanchim patkam tancher add monant dhorinam, punn Krista sovem Dev sonvsarantleam soglleam mon’xank Aplê vengent portun gheta, ani atam hea sondhanacho sondêx Tannem amchê adhin kela.

²⁰Mhonntôch ami Kristache protinidhi, amchê udexim khud Dev tumkam ulo korta. Kristachea nanvan ami tumkam oxi vinoti kortanv: Devachê vengent portun ieiat!

²¹Jezuk koslench patok naslem; punn Tachea ekvottant ami Devak manovlelim zaunchê khatir, Devan amchem patok Tacher ghalem.