Read Goan Konkani Efz 6 Bible Online

Efz 6 - Goan Konkani bible

Efz 6

¹Bhurgeamnô, tumi-i Somiachea ekvottant asat, tôr tumchea avoibapaichem aikat: oxem korop sarkem.

²“oxem tuka borem zatelem ani lamb auk desant tuka melltelem.”, oxem eke bhasavnne soit poili ad’nea ti hi:

³“Tujea avoibapaik man di.”

⁴Avoibapaiamnô, tumcheam bhur-geank tumchê vagnnuken rag ie-so kori nakat. Xistin ani borê dekhin Somiachi vatt xikoun tankam lhan-vhodd korat.

⁵Gulamamnô, Kristak tumi khaltim asat mhonn dakhoun, hea sonvsarantleam dhoniank vhodda manan ani sadhea kallzan khaltim ravat;

⁶tankam khuxal korche khatir, nhoi fokot tanche dolle tumcher asat tednanch, bhogor kallzant thaun Devachi khuxi korto tumi Kristachim chakram mhonnon.

⁷Zonn-ekleak, gulamak toxem svotontr mon'xak, ap-aplea borea vavra pormannem Somi mozuri ditolo mhonn zanna zaun, mon'xam khatir nhoi punn urben Somia khatir bhar gheun kam' korat.

⁹Ani tumi, dhoniamnô, hêch bhaxen tumcheam gulamam sorim cholat ani tankam bhenkddaunchem sôddat; tancho ani tumcho Dhoni sorgar asa ani To konnacheach tonddak pollenam mhonn ugddas dhôrat.

¹⁰Xekim, Somia sovem, Tachê podvechea bollan, tumi ghott ravat.

¹¹Devcharacheam soglleam mandd-nneancher zoit vhorunk Devan dil'lem zhuzachem angtrann ghalun ravat.

¹²Kiteak mhonn'lear, rogta-masacheam dusmanam lagim amkam zhuz na; punn pordhanam lagim, odhikaream kodde, hea kallokachea sonvsari-razkarbhar choloitelea lagim, ontrallar vosti korteleam khotteam atmeam kodde amchem zhuz.

¹³Hea pasot tea vaitt disa heam dusmanam virudh zhuzunk zaunche khatir ani soglle upai gheun-ui tumchean thir ubim ravunk zaunche khatir Devan dil'lem angtrann tumi ghalun ravat.

¹⁴Mhonntôch sogllim hatiaram gheun toiar ravat: tumi ollkhunk pavleant tem Devachem sot zaum-di tumchea benddacho potto; Devak man'ta toslem jivit zaum-di tumchê chhatichem kott'ttem;

¹⁵Xantichi bori khobor porgôttchi hurba zaum-di tumcheam pãianche butt.

¹⁶Devcharache soglle zollte bann tumchean palounk zaunchê khatir, tumchea hatant sodam bhavartacho ddhal dhôrat;

¹⁷xevttim soddvonnechem xirostrann ghalat ani Povitr Atmean dil'li torsad, mhonngê Devachem Utor, dhorun ravat.

¹⁸Atmeachea preronna pormannem soglleam somoianr magnnem ani vinovnni korat, soglleam bhoktam khatir zagrut ravun prarthon korunk pattim sorum nakat.

¹⁹Bore Khobrecho gutt kalljidarponnan porgottunk, hanv mhojem tondd ugoddta tedna Devan utram dilear puro mhonn mhojê-i pasot magat. mhojem tondd ugddun favo tosleam utramnim ani kalljidarponnan xubhvortomanacho gutt hanvem porgôtt korcho mhonn magat.

²⁰Te bore khobrecho hanv dut bondkhonnint asam. Hanv uloitam tedna, to gutt hanvem kalljidarponnan porgottum mhonn magat.

²¹Mhaka hanga kitem ghòddta tem ani hanv kitem kortam tem tumi zanno zal'lim mhaka zai: Tikikus, mhozo opurbaiecho bhav ani Somiachea kamant visvaxi sevôk, mhojê vixim soglli gozal tumkam sangtolo.

²²Heach pasot hanv taka tumchê-xim dhaddtam, amchi khobor tumkam diunk ani tumchim kallzam ghott korunk.

²³Dev amcho Bap ani Jezu Krist amcho Somi soglleam bhavam-bhoinnink xanti, pritimôg ani bhavart dium.

²⁴Jezu Kristacho, amchea Somiacho, môg kortat tankam soglleank Devachi doiallai bhogunk mellum, atam ani kednanch somponam tea jivitant.