Read Goan Konkani 2 Tes 1 Bible Online

2 Tes 1 - Goan Konkani bible

2 Tes 1

¹Tesalonikek aslolê, Deva amchea Bapache ani Somia Jezu Kristache povitr-sobhek Paulu, Silvan ani Timot noman kortat.

²Deva amchea Bapachi ani amchea Somia, Jezu Kristachi, doiallai ani xanti tumchê sovem asum.

³Tumcho bhavart ekdom’ vaddot veta, ani ekameka thãi tumcho pritimôg choddot veta dekhun, tumchê khatir bhavam-bhoinnimnô ami sodam Devacho upkar attounk zai.

⁴Hea pasot, tumi sõstat team dhumalleam ani koxttam-dogdam modem tumchea thirponna ani tumchea bhavarta vixim uloun, Devacheam povitr-sobhamnim ami tumchi vhoddvik sangtanv.

⁵Hea sogttantlean Devacho nirnnoi nitivont-ponnacho mhonn dakholl zata, ani tumi koxtt-dumalle sonstat-ui mhonnon, Aplem Raj bhogunk Dev tumkam purtim korolo.

⁶Kiteak jim konn tumkam atam dogdaitat, tankam Dev Aplê niti pormannem dogdaitolo,

⁷ani Somi Jezu Apleam bollixtt devdutam borabôr sorgar thaun ieta to dixtti poddtolo tedna, tumkam, atam koxtt-dogd bhôgtoleank, toxench amkam-i Dev visov ditolo.

⁸Kiteak Somi Jezu ujeachea agttea modem denvun ietolo ani Devak ollkhun ghenant ani amchea Somia Jezuchem xubhvortoman mandun gheunk kobul nant tankam To xikxa laitolo

⁹Sasnnachea ghorttannachê khastik tim sampoddtolim, Somiachem mukhamoll ani Tachê podvechi mhoima bhogunk tankam mellchi na.

¹⁰Tea Disa Apleam bhoktam modem mhoima ani Apleacher bhavart dovorla tanche modem abru-man bhogunk To ietolo; hanchê modem tumi-i asteleat, kiteak ami dil’li govaiki tumi mandun ghetli.

¹¹Hench monant dhorun ami sodanch tumchê pasot magtanv: tumchea apovnneak sobta toslem tumchem jivit zaum mhonn amchea Deva lagim ami magtanv. Tumche soglle bore otrek Aplê podven To bhorten bhagaum ani tumchea bhavarta pormannem jieunk tumi kortat te proitn To purnntaien sufoll korum.

¹²Hê bhaxen, amchea Devachem ani Somia Jezu Kristachem hem funkeachem dennem tumkam favo zatelem: mhonngê, amchea Somia Jezu Kristachea nanvak tumchê sovem mhoima mellteli, ani toxench tumkam Tachê sovem.