Read Goan Konkani 2 Ju 1 Bible Online

2 Ju 1 - Goan Konkani bible

2 Ju 1

¹Amchê sovem riglelem asa ani sasnnak amchê sovem rigun ravtelem tea sota khatir, Hanv, Vhoddil, Devan vinchun kaddlelê ostorek ani ticheam bhurgeank noman kortam. Tumcho hanv khoreponnim môg kortam; hanvuch nhoi, punn sot ollkhunk pavleant tim sogllim.

³Sota pormannem ani mogan zôr ami jieleanv, Deva amchea Bapachi ani Bapachea Puta Jezu Kristachi doiallai, konnvallai ani xanti ami sodam bhogunk pavtelenv.

⁴Bapa koddchi zoxi ami adnea ghetlea, toxim sota pormannem tujim bhurgim choltat mhonn polleun, mhaka khub anond bhòglo.

⁵Tujê lagim ekuch magtam: ekamekacho môg korum-ia. Oxem tuka boroun, Bai, êk novi adnea tuka dinam, punn orombak amkam dil’li tich adnea.

⁶Môg korop ani Tacheam adneam pormannem cholop mhonn’lear ekuch; orombak thaun tumi hi adnea aikolea: tichê pormannem cholum-ia.

⁷Jezu Krist mon’xasoimb gheun ailo mhonn mandun ghenant tosle zaite fosovpi sonvsarant ximpoddleat. Konnui osle toreche te, fosovpi ani Krist-Virodhi te.

⁸Chotraien cholat, na zalear sogllo tumcho vavr nirfôll zatolo ani tumkam purnn inam’ mellchem na.

⁹Jim konn Kristachê xikovnnecheam ximam bhitôr ravonant, punn tea-vôn pelean vetat, tanchê sovem Dev na. Jim konn Tannem xikoilam tem samballtat, tanchê sovem Bap ani Put asat.

¹⁰Veglli kosli-i xikovnn gheun konn-ui tumchê modem ietit zalear, tankam tumchê-xim gheum nakat, ani tankam noman legun korinakat.

¹¹Tumi osleank noman korxeat zalear, tancheam noxtteam kortubamnim tumi tanchim bhagidar zatat.

¹²Tumkam zaitem sangchem asa, punn kagdar ani xaien korchem nhoi mhonn mhaka dislem. Punn tumchê-xim ietolom ani tumchê lagim tondda-tonddim uloitolom mhonn mhaka bhorvanso asa, ani oso amcho sontôs sopurnn zatolo.

¹³Devan vinchun kaddlelê, tujê bhoinnichim bhurgim tuka noman kortat.