Read Gobaith i Gymru Genesis 36 Bible Online

Genesis 36 - Gobaith i Gymru bible

Genesis 36

¹Dyma hanes teulu Esau (sef Edom):

²Roedd Esau wedi priodi merched o Canaan: Ada (merch Elon yr Hethiad), Oholibama (merch Ana ac wyres Sibeon yr Hefiad),

³a Basemath (merch Ishmael a chwaer Nebaioth).

⁴Cafodd Ada fab i Esau, sef Eliffas. Cafodd Basemath fab, sef Reuel,

⁵a cafodd Oholibama dri o fechgyn, sef Iewsh, Ialam a Cora. Dyma enwau'r meibion gafodd Esau pan oedd yng ngwlad Canaan.

⁶Symudodd Esau i ffwrdd i wlad oedd yn reit bell oddi wrth ei frawd Jacob. Aeth â'i wragedd gydag e, a'i feibion a'i ferched, a phawb arall oedd gydag e, a'i anifeiliaid a'r holl eiddo oedd wedi ei gasglu pan oedd yn byw yng ngwlad Canaan.

⁷Roedd gan y ddau ormod o anifeiliaid i allu byw gyda'i gilydd — doedd y tir ddim yn gallu cynnal y cwbl.

⁸Felly dyma Esau (sef Edom) yn setlo ym mryniau Seir.

⁹Dyma hanes teulu Esau (Ohono fe y daeth pobl Edom, sy'n byw ym mryniau Seir):

¹⁰Enwau meibion Esau: Eliffas (mab Ada, gwraig Esau), Reuel (mab Basemath, gwraig Esau)

¹¹Enwau meibion Eliffas: Teman, Omar, Seffo, Gatam a Cenas.

¹²Y rhain oedd disgynyddion Ada gwraig Esau. (Roedd gan Eliffas, mab Esau, bartner [83] o'r enw Timna hefyd. Cafodd hi fab i Eliffas, sef Amalec.)

¹³Enwau meibion Reuel: Nachath, Serach, Shamma a Missa. Y rhain oedd disgynyddion Basemath gwraig Esau.

¹⁴A dyma enwau meibion Oholibama (merch Ana ac wyres Sibeon): cafodd dri o feibion i Esau, sef Iewsh, Ialam a Cora.

¹⁵Roedd disgynyddion Esau yn arweinwyr llwythau gwahanol: Disgynyddion Eliffas (mab hynaf Esau) oedd arweinwyr llwythau Teman, Omar, Seffo, Cenas,

¹⁶Cora, Gatam ac Amalec. Roedd arweinwyr y llwythau yma yn Edom i gyd yn ddisgynyddion i Eliffas ac Ada.

¹⁷Disgynyddion Reuel (mab Esau) oedd arweinwyr llwythau Nachath, Serach, Shamma a Missa. Roedd arweinwyr y llwythau yma yn Edom i gyd yn ddisgynyddion i Eliffas a Basemath.

¹⁸Wedyn dyma ddisgynyddion Oholibama (gwraig arall Esau): arweinwyr llwythau Iewsh, Ialam a Cora. Roedd arweinwyr y llwythau yma yn ddisgynyddion i Esau ac Oholibama (merch Ana).

¹⁹Mae'r rhain i gyd yn ddisgynyddion i Esau — dyma arweinwyr llwythau Edom.

²⁰A dyma feibion Seir yr Horiad, oedd yn byw yn y wlad o'r blaen: Lotan, Shofal, Sibeon, Ana,

²¹Dishon, Etser a Dishan. Y rhain oedd arweinwyr llwythau'r Horiaid, disgynyddion Seir sy'n byw yng ngwlad Edom.

²²Meibion Lotan oedd Chori a Homam (a Timna oedd chwaer Lotan).

²³Meibion Shofal oedd Alfan, Manachath, Ebal, Sheffo ac Onam.

²⁴Meibion Sibeon oedd Aia ac Ana (sef yr Ana ddarganfyddodd y ffynhonnau yn yr anialwch pan oedd yn gofalu am asynnod ei dad Sibeon).

²⁵Plant Ana oedd Dishon ac Oholibama (merch Ana).

²⁶Meibion Dishon oedd Chemdan, Eshban, Ithran a Ceran.

²⁷Meibion Etser oedd Bilhan, Saafan ac Acan.

²⁸Meibion Dishan oedd Us ac Aran.

²⁹Dyma arweinwyr llwythau'r Horiaid (Lotan, Shofal, Sibeon, Ana,

³⁰Dishon, Etser a Dishan.) Y rhain oedd arweinwyr llwythau'r Horiaid yng ngwlad Seir.

³¹Dyma enwau brenhinoedd gwlad Edom yn y cyfnod cyn i Israel gael brenin:

³²Roedd Bela fab Beor o dre Dinhaba yn frenin ar Edom.

³³Ar ôl i Bela farw, daeth Iobab fab Serach o Bosra yn frenin yn ei le.

³⁴Ar ôl i Iobab farw, daeth Chwsham o ardal Teman yn frenin yn ei le.

³⁵Ar ôl i Chwsham farw, daeth Hadad fab Bedad o dre Afith yn frenin yn ei le. Hadad wnaeth orchfygu Midian mewn brwydr yn Moab.

³⁶Ar ôl i Hadad farw, daeth Samla o Masreca yn frenin yn ei le.

³⁷Ar ôl i Samla farw, daeth Saul o Rehoboth-ger-yr-Afon yn frenin yn ei le.

³⁸Ar ôl i Saul farw, daeth Baal-chanan fab Achbor yn frenin yn ei le.

³⁹Wedyn ar ôl i Baal-chanan fab Achbor farw daeth Hadar o dre Paw yn frenin yn ei le. Enw gwraig Hadar oedd Mehetafél (merch Matred ac wyres Me-sahab).

⁴⁰Dyma enwau arweinwyr llwythau Esau — pob llwyth yn byw mewn ardal arbennig o'r wlad: Timna, Alfa, Ietheth,

⁴¹Oholibama, Ela, Pinon,

⁴²Cenas, Teman, Miftsar,

⁴³Magdiel ac Iram. Y rhain oedd arweinwyr llwythau Edom (sef Esau, tad pobl Edom) — pob un yn byw yn y rhan o'r wlad roedd wedi ei meddiannu.