Read Gobaith i Gymru Genesis 5 Bible Online

Genesis 5 - Gobaith i Gymru bible

Genesis 5

¹Dyma restr deuluol Adda: Pan greodd Duw bobl, gwnaeth nhw i fod yn ddelw ohono'i hun.

²Creodd nhw yn wryw ac yn fenyw, bendithiodd nhw, a rhoi'r enw ‛dynoliaeth‛ iddyn nhw.

³Pan oedd Adda yn 130 oed, cafodd fab a'i alw'n Seth. Roedd Seth yr un ffunud â'i dad.

⁴Buodd Adda fyw am 800 mlynedd ar ôl i Seth gael ei eni, a chafodd blant eraill.

⁵Felly roedd Adda yn 930 oed yn marw.

⁶Pan oedd Seth yn 105 oed cafodd ei fab Enosh ei eni.

⁷Buodd Seth fyw am 807 o flynyddoedd ar ôl i Enosh gael ei eni, a chafodd blant eraill.

⁸Felly roedd Seth yn 912 oed yn marw.

⁹Pan oedd Enosh yn 90 oed cafodd ei fab Cenan ei eni.

¹⁰Buodd Enosh fyw am 815 mlynedd ar ôl i Cenan gael ei eni, a chafodd blant eraill.

¹¹Felly roedd Enosh yn 905 oed yn marw.

¹²Pan oedd Cenan yn 70 oed, cafodd ei fab Mahalal-el ei eni.

¹³Buodd Cenan fyw am 840 mlynedd ar ôl i Mahalal-el gael ei eni, a chafodd blant eraill.

¹⁴Felly roedd Cenan yn 910 oed yn marw.

¹⁵Pan oedd Mahalal-el yn 65 oed cafodd ei fab Iered ei eni.

¹⁶Buodd Mahalal-el fyw am 830 mlynedd ar ôl i Iered gael ei eni, a chafodd blant eraill.

¹⁷Felly roedd Mahalal-el yn 895 oed yn marw.

¹⁸Pan oedd Iered yn 162 oed cafodd ei fab Enoch ei eni.

¹⁹Buodd Iered fyw am 800 mlynedd ar ôl i Enoch gael ei eni, a chafodd blant eraill.

²⁰Felly roedd Iered yn 962 oed yn marw.

²¹Pan oedd Enoch yn 65 oed cafodd ei fab Methwsela ei eni.

²²Roedd gan Enoch berthynas agos gyda Duw, a buodd fyw am 300 mlynedd ar ôl i Methwsela gael ei eni, a chafodd blant eraill.

²³Felly dyma Enoch yn byw i fod yn 365 oed.

²⁴Roedd ganddo berthynas agos gyda Duw, ond yn sydyn doedd e ddim yna. Roedd Duw wedi ei gymryd i ffwrdd.

²⁵Pan oedd Methwsela yn 187 oed cafodd ei fab Lamech ei eni.

²⁶Buodd Methwsela fyw am 782 o flynyddoedd ar ôl i Lamech gael ei eni, a chafodd blant eraill.

²⁷Felly roedd Methwsela yn 969 oed yn marw.

²⁸Pan oedd Lamech yn 182 oed cafodd fab,

²⁹a'i alw yn Noa. [5] Dwedodd, “Bydd hwn yn rhoi gorffwys i ni o'r gwaith caled o drin y tir mae'r ARGLWYDD wedi ei felltithio.”

³⁰Buodd Lamech fyw am 595 mlynedd ar ôl i Noa gael ei eni, a chafodd blant eraill

³¹Felly roedd Lamech yn 777 oed yn marw.

³²Pan oedd Noa yn 500 mlwydd oed roedd ganddo dri mab — Shem, Cham a Jaffeth.