Read Gobaith i Gymru 1 Cronicl 24 Bible Online

1 Cronicl 24 - Gobaith i Gymru bible

1 Cronicl 24

¹Dyma sut cafodd disgynyddion Aaron eu rhannu'n grwpiau: Meibion Aaron: Nadab, Abihw, Eleasar, ac Ithamar.

²(Buodd Nadab ac Abihw farw cyn eu tad, a doedd ganddyn nhw ddim plant. Roedd Eleasar ac Ithamar yn gwasanaethu fel offeiriaid.)

³Dyma Dafydd, gyda help Sadoc (oedd yn ddisgynnydd i Eleasar), ac Achimelech (oedd yn ddisgynnydd i Ithamar), yn rhannu'r offeiriaid yn grwpiau oedd â chyfrifoldebau arbennig.

⁴Roedd mwy o arweinwyr yn ddisgynyddion i Eleasar nag oedd i Ithamar, a dyma sut cawson nhw eu rhannu: un deg chwech arweinydd oedd yn ddisgynyddion i Eleasar, ac wyth oedd yn ddisgynyddion i Ithamar.

⁵Er mwyn bod yn deg, cafodd coelbren ei ddefnyddio i'w rhannu nhw, fel bod pob un oedd yn gwasanaethu yn arweinwyr yn y cysegr wedi eu dewis gan Dduw.

⁶Dyma'r ysgrifennydd, Shemaia fab Nethanel (oedd yn Lefiad) yn ysgrifennu'r enwau i gyd o flaen y brenin, ei swyddogion, Sadoc yr offeiriad, Achimelech fab Abiathar, ac arweinwyr yr offeiriad a'r Lefiaid. Roedd un yn cael ei ddewis drwy ddefnyddio coelbren o deulu Eleasar, ac yna'r nesaf o deulu Ithamar.

⁷[7-18] A dyma'r drefn fel cawson nhw eu dewis: 1. — Iehoiarif — 13. — Chwpa 2. — Idaïa — 14. — Ieshebëab 3. — Charîm — 15. — Bilga 4. — Seorîm — 16. — Immer 5. — Malcîa — 17. — Chesir 6. — Miamin — 18. — Hapitsets 7. — Hacots — 19. — Pethacheia 8. — Abeia — 20. — Iechescel 9. — Ieshŵa — 21. — Iachin 10. — Shechaneia — 22. — Gamwl 11. — Eliashif — 23. — Delaia 12. — Iacîm — 24. — Maaseia

¹⁹A dyna'r drefn roedden nhw'n gwneud eu gwaith yn y deml, yn ôl y canllawiau roedd Aaron, eu hynafiad, wedi eu gosod, fel roedd yr ARGLWYDD Dduw wedi dweud wrtho.

²⁰Dyma weddill y Lefiaid: Shwfa-el, o ddisgynyddion Amram; Iechdeia, o ddisgynyddion Shwfa-el;

²¹Ishïa, mab hynaf Rechabeia, o ddisgynyddion Rechabeia.

²²Shlomoth o'r Its'hariaid; Iachath, o ddisgynyddion Shlomoth.

²³Disgynyddion Hebron: Ierïa yn arwain, yna Amareia, Iachsiel, ac Icameam.

²⁴Disgynyddion Wssiel: Micha, a Shamîr (un o feibion Micha).

²⁵Brawd Micha: Ishïa, a Sechareia (un o feibion Ishïa)

²⁶Disgynyddion Merari: Machli a Mwshi. Mab Iaäseia: Beno.

²⁷Disgynyddion Merari, o Iaäseia: Beno, Shoham, Saccwr ac Ifri.

²⁸O Machli: Eleasar, oedd heb feibion.

²⁹O Cish: Ierachmeël.

³⁰Disgynyddion Mwshi: Machli, Eder, a Ierimoth. (Y rhain oedd y Lefiaid, wedi eu rhestru yn ôl eu teuluoedd.)

³¹Yn union fel gyda'i perthnasau yr offeiriaid, disgynyddion Aaron, cafodd coelbren ei ddefnyddio o flaen y Brenin Dafydd, Sadoc, Achimelech, penaethiaid teuluoedd, yr offeiriaid a'r Lefiaid. Doedd safle ac oedran ddim yn cael ei ystyried.