Read Gobaith i Gymru 1 Cronicl 4 Bible Online

1 Cronicl 4 - Gobaith i Gymru bible

1 Cronicl 4

¹Disgynyddion Jwda: Perets, Hesron, Carmi, Hur, a Shofal.

²Roedd Reaia fab Shofal yn dad i Iachath. Yna Iachath oedd tad Achwmai a Lahad. Y rhain oedd teuluoedd y Soriaid.

³Dyma feibion Etam: Jesreel, Ishma ac Idbash: ac enw eu chwaer nhw oedd Hatselelponi.

⁴Penuel oedd tad Gedor, ac Eser oedd tad Chwsha. Roedd y rhain yn ddisgynyddion i Hur, mab hynaf Effrath a hynafiad pobl Bethlehem.

⁵Roedd gan Ashchwr, tad Tecoa, ddwy wraig, sef Chela a Naära:

⁶Naära oedd mam Achwsam, Cheffer, Temeni, a Haachashtari. Y rhain oedd meibion Naära.

⁷Meibion Chela oedd Sereth, Sochar, Ethnan

⁸a Cots (tad Anwf a Hatsobeba), a hefyd hynafiad teuluoedd Achar-chel fab Harwm.

⁹Roedd Jabets yn cael ei barchu fwy na'i frodyr. (Rhoddodd ei fam yr enw Jabets iddo am ei bod wedi cael poenau ofnadwy pan gafodd e ei eni.)

¹⁰Gweddïodd Jabets ar Dduw Israel, “Plîs bendithia fi, a rhoi mwy o dir i mi! Cynnal fi! Cadw fi'n saff fel bod dim rhaid i mi ddioddef!” A dyma Duw yn ateb ei weddi.

¹¹Celwb oedd brawd Shwcha a tad Mechir, a Mechir oedd tad Eshton.

¹²Eshton oedd tad Bethraffa, Paseach a Techinna (tad Ir-nachash). Dyma bobl Recha.

¹³Meibion Cenas: Othniel a Seraia. Meibion Othniel: Chathath a Meonothai.

¹⁴Meonothai oedd tad Offra. Seraia oedd tad Joab, hynafiad y bobl sy'n byw yn Ge-charashîm [13] (sy'n cael yr enw am eu bod nhw yn grefftwyr).

¹⁵Meibion Caleb fab Jeffwnne: Irw, Ela, a Naäm. Mab Ela: Cenas.

¹⁶Meibion Jehalel-el: Siff, Siffa, Tireia, ac Asarel.

¹⁷Meibion Esra: Jether, Mered, Effer a Jalon. Dyma wraig Mered (Bithia) yn cael plant: Miriam, Shammai, ac Ishbach oedd yn dad i Eshtemoa.

¹⁸Ei wraig e o Jwda oedd mam Iered (tad Gedor), Heber (tad Socho) a Iecwthiel (tad Sanoach.) Roedd y rhain i gyd yn ddisgynyddion i Bitheia, merch y Pharo, oedd wedi priodi Mered.

¹⁹Meibion gwraig Hodeia, chwaer Nacham: tad Ceila y Garmiad ac Eshtemoa y Maachathiad.

²⁰Meibion Shimon: Amnon, Rinna, Ben-chanan, a Tilon. Disgynyddion Ishi: Socheth a Ben-socheth.

²¹Meibion Shela fab Jwda: Er (tad Lecha), Lada (tad Maresha), teuluoedd y gweithwyr lliain main yn Beth-ashbea,

²²Iocim, dynion Cosefa, Joash a Saraff — y ddau yn arweinwyr yn Moab a Iashwfi Lechem. (Mae'r hanesion yma yn dod o archifau hynafol.)

²³Roedden nhw'n gwneud crochenwaith, yn byw yn Netaim a Gedera, ac yn gweithio i'r brenin.

²⁴Disgynyddion Simeon: Nemwel, Iamin, Iarîf, Serach, a Saul,

²⁵wedyn Shalwm ei fab e, Mifsam ei fab yntau, a Mishma mab hwnnw.

²⁶Disgynyddion Mishma: Chamwel ei fab, Saccwr ei ŵyr a Shimei ei or-ŵyr.

²⁷Roedd gan Shimei un deg chwech mab a chwe merch. Ond doedd gan ei frodyr ddim llawer o feibion, felly wnaeth llwyth Simeon ddim tyfu cymaint â llwyth Jwda.

²⁸Roedden nhw'n byw yn Beersheba, Molada, Chatsar-shwal,

²⁹Bilha, Etsem, Tolad,

³⁰Bethwel, Horma, Siclag,

³¹Beth-marcaboth, Chatsar-swsim, Beth-biri, a Shaaraim. Y rhain oedd eu trefi nhw nes bod Dafydd yn frenin.

³²Pump o'i pentrefi nhw oedd Etam, Ain, Rimmon, Tochen ac Ashan;

³³a pentrefi eraill o gwmpas y trefi yma yr holl ffordd i Baal. Dyna lle roedden nhw'n byw. Ac roedden nhw'n cadw cofrestr deuluol.

³⁴Yr arweinwyr oedd: Meshofaf, Iamlech, Iosha fab Amaseia,

³⁵Joel, Jehw fab Ioshifia (mab Seraia ac ŵyr Asiel),

³⁶Elioenai, Iacofa, Ishochaia, Asaia, Adiel, Isimiel, Benaia,

³⁷Sisa fab Shiffi (mab Alon, mab Iedaia, mab Shimri, mab Shemaia.)

³⁸Y rhain sydd wedi eu henwi oedd pennau'r teuluoedd. Roedd eu niferoedd yn tyfu'n gyflym,

³⁹a dyma nhw'n mynd at Fwlch Gedor, i'r dwyrain o'r dyffryn, i chwilio am borfa i'w defaid.

⁴⁰Dyma nhw'n dod o hyd i dir pori da yno. Roedd yn wlad eang, ac roedden nhw'n saff ac yn cael llonydd yno. Rhai o ddisgynyddion Cham oedd wedi bod yn byw yno o'u blaenau nhw.

⁴¹Ond pan oedd Heseceia yn frenin ar Jwda, dyma'r dynion oedd wedi eu rhestru yn ymosod ar bentrefi'r Chamiaid, a'r Mewniaid oedd yn byw yno hefyd. Dyma nhw'n eu dinistrio nhw'n llwyr, a chymryd eu tiroedd oddi arnyn nhw, er mwyn cael porfa i'w defaid a'u geifr.

⁴²Dan arweiniad Plateia, Nearia, Reffaia ac Wssiel (meibion Ishi), dyma bum cant o ddynion o lwyth Simeon yn mynd i fryniau Seir

⁴³a lladd gweddill yr Amaleciaid oedd wedi dianc yno'n ffoaduriaid. Mae disgynyddion Simeon wedi byw yno ers hynny.