Read Gobaith i Gymru 1 Cronicl 6 Bible Online

1 Cronicl 6 - Gobaith i Gymru bible

1 Cronicl 6

¹Meibion Lefi: Gershon, Cohath, a Merari.

²Disgynyddion Cohath: Amram, Its'har, Hebron, ac Wssiel.

³Plant Amram: Aaron, Moses, a Miriam. Meibion Aaron: Nadab, Abihw, Eleasar, ac Ithamar.

⁴Eleasar oedd tad Phineas, Phineas yn dad i Afishŵa,

⁵Afishŵa i Bwcci, a Bwcci i Wssi.

⁶Wssi oedd tad Seracheia, Seracheia yn dad i Meraioth.

⁷Meraioth oedd tad Amareia, ac Amareia yn dad i Achitwf.

⁸Achitwf oedd tad Sadoc, a Sadoc yn dad i Achimaats.

⁹Achimaats oedd tad Asareia, ac Asareia oedd tad Iochanan.

¹⁰A Iochanan oedd tad yr Asareia oedd yn offeiriad yn y deml roedd Solomon wedi ei hadeiladu yn Jerwsalem.

¹¹Asareia oedd tad Amareia, ac roedd Amareia yn dad i Achitwf.

¹²Achitwf oedd tad Sadoc, a Sadoc yn dad i Shalwm.

¹³Roedd Shalwm yn dad i Chilceia, Chilceia i Asareia,

¹⁴Asareia i Seraia, a Seraia i Iehotsadac.

¹⁵Cafodd Iehotsadac ei gymryd yn gaeth pan wnaeth yr ARGLWYDD ddefnyddio Nebwchadnesar i gymryd pobl Jwda a Jerwsalem i'r gaethglud.

¹⁶Meibion Lefi: Gershom, Cohath, a Merari.

¹⁷Meibion Gershom: Libni a Shimei.

¹⁸Meibion Cohath: Amram, Its'har, Hebron, ac Wssiel.

¹⁹Meibion Merari: Machli a Mwshi. Dyma'r claniau o Lefiaid bob yn deulu.

²⁰Disgynyddion Gershom: Libni, ei fab, wedyn Iachath ei fab e, ac i lawr y cenedlaethau drwy Simma,

²¹Ioach, Ido, Serach, i Ieatrai.

²²Disgynyddion Cohath: Aminadab, ei fab, wedyn Cora, ei fab e, ac i lawr y cenedlaethau drwy Assir,

²³Elcana, Ebiasaff, Assir,

²⁴Tachath, Wriel, Wseia, i Saul.

²⁵Disgynyddion Elcana: Amasai ac Achimoth,

²⁶wedyn ei fab Elcana, a'i fab e, Soffai, ac i lawr drwy Nachath,

²⁷Eliab, Ierocham, a'i fab e Elcana.

²⁸Meibion Samuel: Joel [14], y mab hynaf, ac Abeia, yr ail.

²⁹Disgynyddion Merari: Machli, ei fab Libni, wedyn ei fab e Shimei ac i lawr y cenedlaethau drwy Wssa,

³⁰Shimea, Haggia, yna Asaia.

³¹Dyma'r rhai oedd Dafydd wedi eu penodi i arwain y gerddoriaeth yn y cysegr, ar ôl i'r arch gael ei gosod yno.

³²Buon nhw'n arwain y gerddoriaeth o flaen cysegr Pabell Presenoldeb Duw nes i Solomon adeiladu'r deml yn Jerwsalem. Roedden nhw ar ddyletswydd yn y drefn oedd wedi ei gosod.

³³Dyma'r rhai oedd yn y swydd yma, nhw a'u meibion: Disgynyddion Cohath: Heman y cerddor, mab Joel oedd a'i linach yn estyn yn ôl trwy Samuel,

³⁴Elcana, Ierocham, Eliel, Toach,

³⁵Swff, Elcana, Machat, Amasai,

³⁶Elcana, Joel, Asareia, Seffaneia,

³⁷Tachath, Assir, Ebiasaff, Cora,

³⁸Its'har, Cohath, i Lefi.

³⁹Yna Asaff, un arall o lwyth Lefi, oedd yn ei helpu. Asaff oedd mab Berecheia, a'i linach yn estyn yn ôl trwy Shimea,

⁴⁰Michael, Baaseia, Malcîa,

⁴¹Ethni, Serach, Adaia,

⁴²Ethan, Simma, Shimei,

⁴³Iachath, a Gershom, i Lefi.

⁴⁴Yna, yn eu helpu nhw, roedd eraill o lwyth Lefi oedd yn ddisgynyddion i Merari. Eu harweinydd nhw oedd Ethan fab Cishi, oedd a'i linach yn estyn yn ôl trwy Afdi, Malŵch,

⁴⁵Chashafeia, Amaseia, Chilceia,

⁴⁶Amtsi, Bani, Shemer,

⁴⁷Machli, Mwshi, a Merari, i Lefi.

⁴⁸Roedd gweddill y Lefiaid yn gyfrifol am bopeth arall roedd angen ei wneud yn y tabernacl, sef cysegr Duw.

⁴⁹Ond Aaron a'i feibion oedd yn gweini wrth yr allor lle roedd anifeiliaid yn cael eu llosgi a'r allor lle roedd arogldarth yn cael ei losgi. Nhw, felly, oedd yn gwneud yn gwaith yn y Lle Mwyaf Sanctaidd. Roedden nhw yn gwneud pethau'n iawn rhwng Duw ac Israel, fel roedd Moses gwas yr ARGLWYDD wedi gorchymyn.

⁵⁰Dyma ddisgynyddion Aaron: Eleasar ei fab, wedyn Phineas ei fab e, ac ymlaen drwy Afishŵa,

⁵¹Bwcci, Wssi, Seracheia,

⁵²Meraioth, Amareia, Achitwf,

⁵³Sadoc, ac Achimaats.

⁵⁴A dyma'r ardaloedd lle roedd disgynyddion Aaron yn byw: Dyma'r ardaloedd gafodd eu rhoi i glan Cohath (Nhw oedd y grŵp cyntaf i gael eu rhan):

⁵⁵Dyma nhw'n cael tref Hebron yn Jwda, a'r tir pori o'i chwmpas.

⁵⁶(Ond roedd caeau'r dref a'r pentrefi o'i chwmpas wedi eu rhoi i Caleb fab Jeffwnne.)

⁵⁷Cafodd disgynyddion Aaron y trefi lloches canlynol hefyd: Hebron, Libna, Iattir, Eshtemoa,

⁵⁸Cholon, Debir,

⁵⁹Ashan, a Beth-shemesh, a'r tir pori o gwmpas pob un.

⁶⁰Yna o fewn tiriogaeth llwyth Benjamin dyma nhw'n cael Geba, Alemeth, Anathoth, a'r tir pori o gwmpas y rheiny. Felly cafodd eu claniau nhw un deg tair o drefi i gyd.

⁶¹A cafodd gweddill disgynyddion Cohath ddeg pentref oedd o fewn i diriogaeth hanner llwyth Manasse.

⁶²Cafodd claniau Gershom un deg tair o drefi oedd o fewn tiriogaeth llwythau Issachar, Asher, Nafftali a Manasse

⁶³Cafodd claniau Merari un deg dwy o drefi oedd o fewn tiriogaeth llwythau Reuben, Gad a Sabulon.

⁶⁴Rhoddodd pobl Israel y trefi yma, a'r tir pori o'u cwmpas, i lwyth Lefi.

⁶⁵Roedd y trefi yma, o diriogaeth Jwda, Simeon a Benjamin, wedi eu henwi ymlaen llaw.

⁶⁶Cafodd rhai o deuluoedd disgynyddion Cohath dir o fewn tiriogaeth llwyth Effraim.

⁶⁷Sichem, ym mryniau Effraim, Geser,

⁶⁸Jocmeam, a Beth-choron,

⁶⁹Aialon, a Gath-rimmon a'r tir pori o gwmpas pob un.

⁷⁰O diriogaeth hanner llwyth Manasse dyma weddill disgynyddion Cohath yn cael Aner a Bileam, a'r tir pori o'u cwmpas nhw.

⁷¹Dyma'r trefi gafodd eu rhoi i ddisgynyddion Gershom: O hanner llwyth Manasse dyma nhw'n rhoi Golan yn Bashan ac Ashtaroth, a'r tir pori o'u cwmpas nhw.

⁷²O diriogaeth llwyth Issachar: Cedesh, Daberath,

⁷³Ramoth, ac Anem, a'r tir pori o gwmpas pob un.

⁷⁴O diriogaeth llwyth Asher: Mashal, Abdon,

⁷⁵Chwcoc, a Rechob, a'r tir pori o gwmpas pob un.

⁷⁶O diriogaeth llwyth Nafftali: Cedesh yn Galilea, Hammon, a Ciriathaim, a'r tir pori o gwmpas y rheiny.

⁷⁷Dyma'r trefi gafodd eu rhoi i deuluoedd gweddill disgynyddion Merari: O diriogaeth llwyth Sabulon: Rimmon a Tabor a'r tir pori o'u cwmpas.

⁷⁸O diriogaeth llwyth Reuben, yr ochr draw i'r Afon Iorddonen i'r dwyrain o Jericho: Betser yn yr anialwch, Iahats,

⁷⁹Cedemoth, a Meffaäth, a'r tir pori o gwmpas pob un o'r rheiny.

⁸⁰O diriogaeth llwyth Gad: Ramoth yn Gilead, Machanaîm,

⁸¹Cheshbon, a Iaser, a'r tir pori o gwmpas pob un.