Read Gobaith i Gymru Esra 1 Bible Online

Esra 1 - Gobaith i Gymru bible

Esra 1

¹Lai na blwyddyn ar ôl i Cyrus ddod yn frenin Persia, [1] dyma'r ARGLWYDD yn gwneud beth wnaeth e addo trwy Jeremeia. [2] Dyma fe'n ysgogi Cyrus i anfon datganiad allan drwy'r deyrnas i gyd. Dyma'r datganiad:

²“Dyma mae Cyrus, brenin Persia yn ei ddweud. ‘Mae'r ARGLWYDD, Duw y nefoedd, wedi rhoi teyrnasoedd y byd i gyd i mi. Ac mae e wedi gorchymyn i mi adeiladu teml iddo yn Jerwsalem yn Jwda.

³Os ydych chi'n perthyn i'w bobl cewch fynd yn ôl i Jerwsalem i adeiladu teml yno i'r ARGLWYDD, Duw Israel — sef y duw sydd yn Jerwsalem. A Duw fyddo gyda chi!

⁴Dylai pawb arall, sy'n aros lle rydych chi, helpu'r rhai sy'n mynd yn ôl, drwy roi arian ac aur, cyfarpar ac anifeiliaid iddyn nhw. Hefyd offrymau gwirfoddol ar gyfer teml Dduw yn Jerwsalem.’”

⁵Felly dyma arweinwyr llwythau Jwda a Benjamin a'r offeiriaid a'r Lefiaid yn paratoi i fynd yn ôl — pawb oedd wedi eu hysbrydoli gan Dduw i fynd i adeiladu teml yr ARGLWYDD yn Jerwsalem.

⁶Ac roedd eu cymdogion i gyd yn eu helpu nhw, drwy roi llestri o arian ac aur iddyn nhw, cyfarpar, anifeiliaid, a lot fawr o anrhegion drud eraill, heb sôn am yr offrymau gwirfoddol.

⁷Yna dyma'r brenin Cyrus yn dod â'r holl lestri oedd Nebwchadnesar [3] wedi eu cymryd o deml yr ARGLWYDD yn Jerwsalem i'w gosod yn nheml ei dduw ei hun.

⁸Rhoddodd nhw i Mithredath, ei drysorydd, a'i gael i gyfri'r cwbl a'u cyflwyno i Sheshbatsar, pennaeth Jwda,

⁹[9-10] Dyma'r rhestr o eitemau: 30 dysgl aur 1,000 o ddysglau arian 29 eitem arall o arian 30 powlen aur 410 o bowlenni arian gwahanol 1,000 o lestri eraill

¹¹Felly cyfanswm y llestri aur ac arian oedd 5,400. Daeth Sheshbatsar â nhw i gyd i Jerwsalem pan ddaeth y caethion yn ôl o Babilon.