Read Gobaith i Gymru Nehemeia 10 Bible Online

Nehemeia 10 - Gobaith i Gymru bible

Nehemeia 10

¹Dyma'r enwau oedd ar y copi: Nehemeia y llywodraethwr (mab Hachaleia), a Sedeceia,

²Seraia, Asareia, Jeremeia,

³Pashchwr, Amareia, Malcîa,

⁴Chattwsh, Shefaneia, Malwch,

⁵Charîm, Meremoth, Obadeia,

⁶Daniel, Ginnethon, Barŵch,

⁷Meshwlam, Abeia, Miamin,

⁸Maaseia, Bilgai, a Shemaia. (Y rhain oedd yr offeiriaid.)

⁹Yna'r Lefiaid: Ieshŵa fab Asaneia, Binnŵi o glan Chenadad, a Cadmiel.

¹⁰Hefyd: Shefaneia, Hodeia, Celita, Pelaia, Chanan,

¹¹Micha, Rechob, Chashafeia,

¹²Saccwr, Sherefeia, Shefaneia,

¹³Hodeia, Bani, a Beninw.

¹⁴Yna penaethiaid y bobl: Parosh, Pachath-Moab, Elam, Sattw, Bani,

¹⁵Bwnni, Asgad, Bebai,

¹⁶Adoneia, Bigfai, Adin,

¹⁷Ater, Chisceia, Asswr,

¹⁸Hodeia, Chashŵm, Betsai,

¹⁹Chariff, Anathoth, Nebai,

²⁰Magpiash, Meshwlam, Chesir,

²¹Meshesafel, Sadoc, Iadwa,

²²Plateia, Chanan, Anaia,

²³Hoshea, Chananeia, Chashwf,

²⁴Halochesh, Pilcha, Shofec,

²⁵Rechwm, Chashafna, Maaseia,

²⁶Achïa, Chanan, Anan,

²⁷Malŵch, Charîm, a Baana.

²⁸ [28-29] Dyma weddill y bobl yn ymuno gyda'r arweinwyr i dyngu llw y bydden nhw'n ufudd i'r Gyfraith roddodd Duw i'w was Moses. (Roedd hyn yn cynnwys yr offeiriaid, Lefiaid, gofalwyr y giatiau, cantorion, gweision y deml, a pawb oedd wedi gwahanu eu hunain oddi wrth y bobl o wledydd eraill er mwyn bod yn ufudd i gyfraith Duw. Hefyd eu gwragedd, a'u meibion a'u merched, a pawb oedd yn ddigon hen i ddeall.) Os bydden nhw'n anufudd, roedden nhw'n cytuno y bydden nhw dan felltith. Ond roedden nhw'n addo y bydden nhw'n cadw gorchmynion yr ARGLWYDD ein Meistr, a'i reolau a'i ganllawiau.

³⁰“Wnawn ni ddim rhoi ein merched yn wragedd i'r bobl baganaidd o'n cwmpas, na chymryd eu merched nhw yn wragedd i'n meibion ni.

³¹Os bydd y bobloedd eraill yn ceisio gwerthu grawn neu unrhyw nwyddau ar y Saboth (neu ddiwrnod cysegredig arall) wnawn ni ddim prynu ganddyn nhw. Bob saith mlynedd byddwn ni'n gadael ein caeau heb eu trin ac yn canslo pob dyled.

³²Dŷn ni hefyd yn derbyn fod rhaid talu treth flynyddol o un rhan o dair o sicl (sef bron 4 gram o arian) i deml Dduw.

³³Bydd hwn yn cael ei ddefnyddio i dalu am y torthau sydd i'w gosod ar fwrdd o flaen Duw, a'r gwahanol offrymau — yr offrwm dyddiol o rawn a'r offrwm i'w losgi, offrymau'r Sabothau, yr offrymau misol ar Ŵyl y lleuad newydd a'r gwyliau eraill, unrhyw offrymau eraill sydd wedi eu cysegru i Dduw, a'r offrymau puro o bechod sy'n gwneud pethau'n iawn rhwng pobl Israel a Duw. Hefyd unrhyw waith arall sydd i'w wneud i'r deml.

³⁴Dŷn ni (yr offeiriaid, Lefiaid a'r bobl gyffredin) wedi trefnu (drwy fwrw coelbren) pryd yn ystod y flwyddyn mae pob teulu i ddarparu coed i'w llosgi ar allor yr ARGLWYDD ein Duw yn y deml, fel mae'n dweud yn y Gyfraith.

³⁵A dŷn ni'n addo hefyd y byddwn ni, bob blwyddyn, yn dod â ffrwythau cyntaf y tir a ffrwyth cyntaf pob coeden i deml yr ARGLWYDD.

³⁶Byddwn ni hefyd yn dod â'n meibion hynaf, a'r anifeiliaid cyntaf i gael eu geni, i deml Dduw i'w cyflwyno i'r offeiriaid sy'n gwasanaethu yno, fel mae'r Gyfraith yn dweud.

³⁷Byddwn hefyd yn rhoi y gorau o'n toes, grawn, ffrwythau, sudd grawnwin ac olew olewydd, i'r offeiriaid yn stordai teml ein Duw. A hefyd un rhan o ddeg o'n cnydau i'w rhoi i'r Lefiaid (gan mai'r Lefiaid sy'n casglu'r ddegfed ran yn y trefi lle dŷn ni'n gweithio.)

³⁸Bydd offeiriad — un o ddisgynyddion Aaron — gyda'r Lefiaid pan mae'r gyfran yma'n cael ei gasglu. Yna bydd y Lefiaid yn mynd â degfed ran o'r hyn gasglwyd i stordai teml Dduw.

³⁹Bydd pobl Israel a'r Lefiaid yn mynd â'r cyfraniadau yma (o rawn, sudd grawnwin, ac olew olewydd) i'r stordai lle mae holl offer y deml yn cael ei gadw. Dyna hefyd lle mae'r offeiriaid, gofalwyr y giatiau a'r cantorion yn aros. Dŷn ni'n addo na fyddwn ni'n esgeuluso teml ein Duw.”