Read Gobaith i Gymru Nehemeia 11 Bible Online

Nehemeia 11 - Gobaith i Gymru bible

Nehemeia 11

¹Roedd arweinwyr y bobl wedi setlo yn Jerwsalem. A dyma gweddill y bobl yn taflu coelbren i benderfynu pwy arall oedd i symud i fyw i'r ddinas gysegredig. Roedd un o bob deg i fynd i Jerwsalem, a'r gweddill i fyw yn y trefi eraill.

²A dyma'r bobl yn bendithio'r dynion hynny wnaeth wirfoddoli i aros yn Jerwsalem.

³Dyma restr o arweinwyr y dalaith wnaeth setlo yn Jerwsalem (Roedd y rhan fwya o bobl Israel yn byw yn eu tai eu hunain yn y trefi eraill yn Jwda — a'r offeiriaid, Lefiaid, gweithwyr y deml, a disgynyddion gweision Solomon.

⁴Ond symudodd rhai o ddisgynyddion Jwda a Benjamin i fyw yn Jerwsalem.) O lwyth Jwda: Athaia fab Wseia (mab Sechareia, mab Amareia, mab Sheffateia, mab Mahalal-el, o glan Perets);

⁵Maaseia fab Barŵch (mab Colchose, mab Chasaia, mab Adaia, mab Ioiarîf, mab Sechareia, o glan Shela fab Jwda).

⁶(Cyfanswm disgynyddion Perets, y bobl ddewr wnaeth setlo yn Jerwsalem oedd 468.)

⁷O lwyth Benjamin: Salw fab Meshwlam (mab Ioed, mab Pedaia, mab Colaia, mab Maaseia, mab Ithiel, mab Ieshaia,)

⁸a'r rhai oedd yn ei ddilyn, Gabai a Salai — 928 i gyd.

⁹(Joel fab Sichri oedd y swyddog oedd yn gyfrifol amdanyn nhw, a Jwda fab Hasenŵa oedd ei ddirprwy yn y ddinas.)

¹⁰O'r offeiriaid: Idaïa fab Ioiarîf, Iachin,

¹¹Seraia fab Chilceia (mab Meshwlam, mab Sadoc, mab Meraioth, mab Achitwf) sef archoffeiriad teml Dduw,

¹²a'i perthnasau oedd yn gweithio gyda nhw yn y deml — 822. Adaia fab Ierocham (mab Pelaleia, mab Amtsi, mab Sechareia, mab Pashchwr, mab Malcîa),

¹³a'i perthnasau oedd yn arweinwyr y clan — 242; Amash'sai fab Asarel (mab Achsai, mab Meshilemoth, mab Immer,)

¹⁴a'i berthnasau, y dynion dewr eraill oedd yn gweithio gydag e — 128. (Safdiel fab Hagedolîm oedd y swyddog yn gyfrifol amdanyn nhw).

¹⁵O'r Lefiaid: Shemaia fab Chashwf (mab Asricam, mab Chashafeia fab Bwnni);

¹⁶Shabbethai a Iosafad, arweinwyr y Lefiaid, oedd yn gyfrifol am y gwaith allanol ar deml Dduw;

¹⁷Mataneia fab Micha (mab Sabdi ac ŵyr i Asaff), oedd yn arwain y gweddi ar mawl; Bacbwceia oedd ei ddirprwy; ac Afda fab Shammwa (mab Galal, mab Iedwthwn).

¹⁸(Cyfanswm y Lefiaid oedd yn byw yn y ddinas sanctaidd oedd 284).

¹⁹Yna gofalwyr y giatiau: Accwf, Talmon a'r rhai oedd yn gwarchod y giatiau gyda nhw — 172.

²⁰Roedd gweddill pobl Israel, a gweddill yr offeiriad a'r Lefiaid, yn byw yn eu tai eu hunain yn y trefi eraill yn Jwda.

²¹Roedd gweithwyr y deml yn byw yn Offel, a Sicha a Gishpa oedd yn gyfrifol amdanyn nhw.

²²Rheolwr y Lefiaid yn Jerwsalem oedd Wssi fab Bani (mab Chashafeia, mab Mataneia, mab Micha), oedd yn un o ddisgynyddion Asaff, sef y cantorion oedd yn arwain yr addoliad yn nheml Dduw.

²³Roedd brenin Persia wedi gorchymyn fod cyfran i'w roi iddyn nhw bob dydd.

²⁴Ac roedd Pethacheia fab Meshesafel (o glan Serach o lwyth Jwda) ar gael i roi cyngor i'r brenin am faterion yn ymwneud â'r bobl.

²⁵I droi at y pentrefi a'r tiroedd o'u cwmpas nhw: Dyma bobl llwyth Jwda yn setlo yn Ciriath-arba a'r pentrefi o'i chwmpas, Dibon a'i phentrefi, Icaftseël a'i phentrefi,

²⁶Ieshŵa, Molada, Beth-pelet,

²⁷Chatsar-shwal, a Beersheba a'i phentrefi,

²⁸Siclag a Mechona a'i phentrefi,

²⁹En-rimmon, Sora, Iarmwth,

³⁰Sanoach, Adwlam, a'u pentrefi. Lachish a'i thiroedd, ac Aseca a'i phentrefi. Roedden nhw wedi setlo drwy'r wlad i gyd, o Beersheba yn y de i ddyffryn Hinnom yn y gogledd.

³¹Dyma bobl llwyth Benjamin yn setlo yn Geba, Michmas, Ai, a Bethel a'i phentrefi,

³²yn Anathoth, Nob, Ananeia,

³³Chatsor, Rama, Gittaïm,

³⁴Hadid, Seboïm, Nefalat,

³⁵Lod, Ono, a Dyffryn y Crefftwyr.

³⁶A dyma rai o'r Lefiaid oedd yn Jwda yn symud i fyw i Benjamin.