Read Gobaith i Gymru Salm 101 Bible Online

Salm 101 - Gobaith i Gymru bible

Salm 101

¹Salm Dafydd. [1] Canaf am ffyddlondeb a chyfiawnder. Canaf gân i ti, O ARGLWYDD!

²Canaf delyneg am dy ffordd berffaith. Pryd wyt ti'n mynd i ddod ata i? Dw i wedi byw bywyd didwyll yn y palas.

³Dw i ddim am ystyried bod yn anonest; dw i'n casáu twyll, ac am gael dim i'w wneud â'r peth.

⁴Does gen i ddim meddwl mochaidd, a dw i am gael dim i'w wneud â'r drwg.

⁵Dw i'n rhoi taw ar bwy bynnag sy'n enllibio'i gymydog yn y dirgel. Alla i ddim diodde pobl falch sy'n llawn ohonyn nhw eu hunain.

⁶Dw i wedi edrych am y bobl ffyddlon yn y wlad, i'w cael nhw i fyw gyda mi. Dim ond pobl onest sy'n cael gweithio i mi.

⁷Does neb sy'n twyllo yn cael byw yn y palas. Does neb sy'n dweud celwydd yn cael cadw cwmni i mi.

⁸Dw i bob amser yn rhoi taw ar y rhai sy'n gwneud drwg yn y wlad. Dw i'n cael gwared â'r rhai sy'n gwneud drwg o ddinas yr ARGLWYDD.