Read Gobaith i Gymru Salm 113 Bible Online

Salm 113 - Gobaith i Gymru bible

Salm 113

¹Haleliwia! Molwch e, weision yr ARGLWYDD! Molwch enw'r ARGLWYDD!

²Boed i enw'r ARGLWYDD gael ei fendithio, nawr ac am byth.

³Boed i enw'r ARGLWYDD gael ei foli drwy'r byd i gyd!

⁴Yr ARGLWYDD sy'n teyrnasu dros yr holl genhedloedd! Mae ei ysblander yn uwch na'r nefoedd.

⁵Does neb tebyg i'r ARGLWYDD ein Duw, sy'n eistedd ar ei orsedd uchel!

⁶Mae'n plygu i lawr i edrych ar y nefoedd a'r ddaear oddi tano.

⁷Mae e'n codi pobl dlawd o'r baw, a'r rhai sydd mewn angen o'r domen sbwriel.

⁸Mae'n eu gosod i eistedd gyda'r bobl fawr, ie, gydag arweinwyr ei bobl.

⁹Mae'n rhoi cartref i'r wraig ddi-blant, ac yn ei gwneud hi'n fam hapus. Haleliwia!