Read Gobaith i Gymru Salm 114 Bible Online

Salm 114 - Gobaith i Gymru bible

Salm 114

¹Pan aeth pobl Israel allan o'r Aifft — pan adawodd teulu Jacob y wlad lle roedden nhw'n siarad iaith estron —

²daeth Jwda yn dir cysegredig, ac Israel yn deyrnas iddo.

³Dyma'r Môr Coch [73] yn eu gweld nhw'n dod ac yn symud o'r ffordd. Dyma lif yr Iorddonen yn cael ei ddal yn ôl.

⁴Roedd y mynyddoedd yn neidio fel hyrddod, a'r bryniau yn prancio fel ŵyn.

⁵Beth wnaeth i ti symud o'r ffordd, fôr? Beth wnaeth dy ddal di yn ôl, Iorddonen?

⁶Beth wnaeth i chi neidio fel hyrddod, fynyddoedd? Beth wnaeth i chi brancio fel ŵyn, fryniau?

⁷Cryna, ddaear, am fod yr ARGLWYDD yn dod! Mae Duw Jacob ar ei ffordd!

⁸Y Duw wnaeth droi'r graig yn bwll o ddŵr. Do, llifodd ffynnon ddŵr o garreg fflint!