Read Gobaith i Gymru Salm 12 Bible Online

Salm 12 - Gobaith i Gymru bible

Salm 12

¹I'r arweinydd cerdd: Ar yr wythfed. [7] Salm Dafydd. [1] Help, ARGLWYDD! Does neb ffyddlon ar ôl! Mae'r rhai sy'n driw wedi diflannu.

²Mae pawb yn dweud celwydd wrth ei gilydd; maen nhw'n seboni ond yn ddauwynebog.

³Boed i'r ARGLWYDD roi stop ar eu geiriau ffals, a rhoi taw ar bob tafod sy'n brolio!

⁴“Gallwn wneud unrhyw beth!” medden nhw. “Gallwn ddweud beth leiciwn ni! Dŷn ni'n atebol i neb!”

⁵Ond meddai'r ARGLWYDD: “Am fod yr anghenus yn dioddef trais, a'r tlawd yn griddfan mewn poen, dw i'n mynd i weithredu. Bydda i'n ei gadw'n saff; ie, dyna mae'n dyheu amdano.”

⁶Mae geiriau'r ARGLWYDD yn wir. Maen nhw fel arian wedi ei buro mewn ffwrnais bridd, neu aur wedi ei goethi'n drwyadl.

⁷Byddi'n gofalu amdanon ni, ARGLWYDD, Byddwn ni'n saff o afael y genhedlaeth ddrwg yma

⁸sy'n cerdded o gwmpas yn falch, a phobl yn canmol y pethau ofnadwy maen nhw'n eu gwneud!