Read Gobaith i Gymru Salm 121 Bible Online

Salm 121 - Gobaith i Gymru bible

Salm 121

¹Cân yr orymdaith. [1] Dw i'n edrych i fyny i'r mynyddoedd. O ble daw help i mi?

²Daw help oddi wrth yr ARGLWYDD, yr Un wnaeth greu y nefoedd a'r ddaear.

³Fydd e ddim yn gadael i dy droed lithro; dydy'r Un sy'n gofalu amdanat ddim yn cysgu.

⁴Wrth gwrs! Dydy'r un sy'n gofalu am Israel ddim yn gorffwys na chysgu!

⁵Yr ARGLWYDD sy'n gofalu amdanat ti; mae'r ARGLWYDD wrth dy ochr di yn dy amddiffyn di.

⁶Fydd yr haul ddim yn dy lethu di ganol dydd, na'r lleuad yn effeithio arnat ti yn y nos.

⁷Bydd yr ARGLWYDD yn dy amddiffyn rhag pob perygl; bydd yn dy gadw di'n fyw.

⁸Bydd yr ARGLWYDD yn dy gadw di'n saff ble bynnag ei di, o hyn allan ac am byth.