Read Gobaith i Gymru Salm 122 Bible Online

Salm 122 - Gobaith i Gymru bible

Salm 122

¹Cân yr orymdaith. Salm Dafydd. [1] Ro'n i wrth fy modd pan ddwedon nhw wrtho i, “Gadewch i ni fynd i deml yr ARGLWYDD.”

²Dyma ni yn sefyll y tu mewn i dy giatiau, O Jerwsalem!

³Mae Jerwsalem yn ddinas wedi ei hadeiladu, i bobl ddod at ei gilydd ynddi.

⁴Mae'r llwythau yn mynd ar bererindod iddi, ie, llwythau'r ARGLWYDD. Mae'n ddyletswydd ar bobl Israel i roi diolch i'r ARGLWYDD.

⁵Dyma ble mae'r llysoedd barn yn eistedd, llysoedd barn llywodraeth Dafydd.

⁶Gweddïwch am heddwch i Jerwsalem: “Boed i'r rhai sy'n dy garu di lwyddo.

⁷Boed heddwch y tu mewn i dy waliau, a diogelwch o fewn dy gaerau.”

⁸Er mwyn fy mhobl a'm ffrindiau dw i'n gweddïo am heddwch i ti.

⁹Er mwyn teml yr ARGLWYDD ein Duw, dw i'n gofyn am lwyddiant i ti.