Read Gobaith i Gymru Salm 129 Bible Online

Salm 129 - Gobaith i Gymru bible

Salm 129

¹Cân yr orymdaith. [1] “Maen nhw wedi ymosod arna i lawer gwaith ers pan oeddwn i'n ifanc,” gall Israel ddweud.

²“Maen nhw wedi ymosod arna i lawer gwaith ers pan oeddwn i'n ifanc, ond dŷn nhw ddim wedi fy nhrechu i.”

³Mae dynion wedi aredig ar fy nghefn ac agor cwysi hirion.

⁴Ond mae'r ARGLWYDD yn ffyddlon, ac wedi torri'r rhaffau sy'n tynnu aradr y rhai drwg.

⁵Gwna i bawb sy'n casáu Seion gael eu cywilyddio a'u gyrru yn ôl!

⁶Gwna nhw fel glaswellt ar ben to yn gwywo cyn ei dynnu;

⁷dim digon i lenwi dwrn yr un sy'n medi, na breichiau'r un sy'n casglu'r ysgubau!

⁸A fydd y rhai sy'n pasio heibio ddim yn dweud, “Bendith yr ARGLWYDD arnoch chi! Bendith arnoch chi yn enw'r ARGLWYDD.”