Read Gobaith i Gymru Salm 130 Bible Online

Salm 130 - Gobaith i Gymru bible

Salm 130

¹Cân yr orymdaith. [1] Dw i mewn dyfroedd dyfnion, ARGLWYDD, a dw i'n galw arnat ti!

²O ARGLWYDD, gwrando ar fy nghri! Gwranda arna i'n galw arnat ti! Dw i'n erfyn yn daer am drugaredd!

³O ARGLWYDD, os wyt ti'n cadw golwg ar bechodau, pa obaith sydd i unrhyw un?

⁴Ond rwyt ti'n barod i faddau, ac felly mae pobl yn dy addoli di.

⁵Dw i'n troi at yr ARGLWYDD; dw i'n troi ato ac yn disgwyl yn llawn gobaith. Dw i'n trystio beth mae e'n ddweud.

⁶Dw i'n dyheu i'r Meistr ddod fwy na'r gwylwyr yn disgwyl am y bore, ie, y gwylwyr am y bore.

⁷O Israel, trystia'r ARGLWYDD! Mae cariad yr ARGLWYDD mor ffyddlon, ac mae e mor barod i'n gollwng ni'n rhydd!

⁸Fe ydy'r un fydd yn rhyddhau Israel o ganlyniadau ei holl ddrygioni!