Read Gobaith i Gymru Salm 136 Bible Online

Salm 136 - Gobaith i Gymru bible

Salm 136

¹Diolchwch i'r ARGLWYDD! Mae e mor dda aton ni! Mae ei haelioni yn ddiddiwedd!

²Rhowch ddiolch i'r Duw sy'n uwch na'r duwiau i gyd! Mae ei haelioni yn ddiddiwedd!

³Rhowch ddiolch i Arglwydd yr Arglwyddi! Mae ei haelioni yn ddiddiwedd!

⁴Fe ydy'r unig un sydd wedi gwneud gwyrthiau rhyfeddol. Mae ei haelioni yn ddiddiwedd!

⁵Fe sydd wedi creu y nefoedd drwy ei allu. Mae ei haelioni yn ddiddiwedd!

⁶Fe sydd wedi lledu'r ddaear dros y dyfroedd. Mae ei haelioni yn ddiddiwedd!

⁷Fe sydd wedi gwneud y goleuadau mawrion. Mae ei haelioni yn ddiddiwedd!

⁸Yr haul i reoli'r dydd. Mae ei haelioni yn ddiddiwedd!

⁹a'r lleuad a'r sêr i reoli'r nos. Mae ei haelioni yn ddiddiwedd!

¹⁰Fe wnaeth daro plant hynaf yr Aifft, Mae ei haelioni yn ddiddiwedd!

¹¹a dod ag Israel allan o'u canol nhw, Mae ei haelioni yn ddiddiwedd!

¹²gyda nerth a chryfder rhyfeddol. Mae ei haelioni yn ddiddiwedd!

¹³Fe wnaeth hollti'r Môr Coch, [78] Mae ei haelioni yn ddiddiwedd!

¹⁴a gadael i Israel fynd trwy ei ganol, Mae ei haelioni yn ddiddiwedd!

¹⁵Fe wnaeth daflu'r Pharo a'i fyddin i'r Môr Coch, [79] Mae ei haelioni yn ddiddiwedd!

¹⁶ac arwain ei bobl drwy'r anialwch. Mae ei haelioni yn ddiddiwedd!

¹⁷Fe wnaeth daro brenhinoedd cryfion i lawr, Mae ei haelioni yn ddiddiwedd!

¹⁸a lladd brenhinoedd enwog — Mae ei haelioni yn ddiddiwedd!

¹⁹Sihon, brenin yr Amoriaid, Mae ei haelioni yn ddiddiwedd!

²⁰ac Og, brenin Bashan. Mae ei haelioni yn ddiddiwedd!

²¹Rhoddodd eu tir yn etifeddiaeth — Mae ei haelioni yn ddiddiwedd!

²²yn etifeddiaeth i bobl Israel, sy'n ei wasanaethu. Mae ei haelioni yn ddiddiwedd!

²³Cofiodd amdanon ni pan oedden ni'n isel, Mae ei haelioni yn ddiddiwedd!

²⁴a'n hachub ni o afael ein gelynion, Mae ei haelioni yn ddiddiwedd!

²⁵Fe sy'n rhoi bwyd i bob creadur byw, Mae ei haelioni yn ddiddiwedd!

²⁶Rhowch ddiolch i'r Duw sy'n y nefoedd! Mae ei haelioni yn ddiddiwedd!