Read Gobaith i Gymru Salm 138 Bible Online

Salm 138 - Gobaith i Gymru bible

Salm 138

¹Salm Dafydd. [1] Dw i'n diolch i ti o waelod calon, ac yn canu mawl i ti o flaen y duwiau!

²Dw i'n ymgrymu i gyfeiriad dy deml sanctaidd ac yn moli dy enw am dy gariad a dy ffyddlondeb. Mae dy enw a dy addewid di yn well na phopeth sy'n bod.

³Dyma fi'n galw, a dyma ti'n ateb, fy ysbrydoli, a rhoi hyder i mi.

⁴Bydd brenhinoedd y byd i gyd yn diolch i ti, O ARGLWYDD, pan fyddan nhw'n clywed y cwbl rwyt ti'n ei addo.

⁵Byddan nhw'n canu am weithredoedd yr ARGLWYDD: “Mae dy ysblander di, ARGLWYDD, mor fawr!”

⁶Er bod yr ARGLWYDD mor fawr, mae'n gofalu am y gwylaidd; ac mae'n gwybod o bell am y balch.

⁷Pan dw i mewn trafferthion, rwyt yn fy achub o afael y gelyn gwyllt; ti'n estyn dy law gref i'm helpu.

⁸Bydd yr ARGLWYDD yn talu'n ôl ar fy rhan i! O ARGLWYDD, mae dy haelioni yn ddiddiwedd! Paid troi cefn ar dy bobl, gwaith dy ddwylo!