Read Gobaith i Gymru Salm 141 Bible Online

Salm 141 - Gobaith i Gymru bible

Salm 141

¹Salm Dafydd. [1] ARGLWYDD, dw i'n galw arnat: Brysia! Helpa fi! Gwranda arna i'n galw arnat ti.

²Derbyn fy ngweddi fel offrwm o arogldarth, a'm dwylo sydd wedi eu codi fel aberth yr hwyr.

³O ARGLWYDD, gwarchod fy ngheg a gwylia ddrws fy ngwefusau.

⁴Paid gadael i mi feddwl dweud dim byd drwg, na gwneud dim gyda dynion sydd felly! Cadw fi rhag bwyta eu danteithion.

⁵Boed i rywun sy'n byw'n gywir ddod i'm taro i, a'm ceryddu mewn cariad! Dyna'r olew gorau — boed i'm pen beidio ei wrthod. Dw i'n gweddïo o hyd ac o hyd yn erbyn eu drygioni.

⁶Pan fyddan nhw'n syrthio i ddwylo'r Graig, eu Barnwr, byddan nhw'n gwerthfawrogi beth ddywedais i.

⁷Fel petai rhywun yn aredig ac yn troi y pridd, mae ein hesgyrn wedi eu gwasgaru wrth geg Annwn [82].

⁸Arnat ti dw i'n edrych, O ARGLWYDD, fy Meistr; Dw i'n dod atat am loches, paid a'm gadael mewn perygl!

⁹Cadw fi i ffwrdd o'r trapiau maen nhw wedi eu gosod, ac oddi wrth faglau y rhai drwg.

¹⁰Gad iddyn nhw syrthio i'w rhwydi eu hunain, tra dw i'n llwyddo i ddianc.