Read Gobaith i Gymru Salm 24 Bible Online

Salm 24 - Gobaith i Gymru bible

Salm 24

¹Salm Dafydd. [1] Yr ARGLWYDD piau'r ddaear a phopeth sydd ynddi; y byd, a phawb sy'n byw ynddo.

²Mae wedi gosod ei sylfeini ar y moroedd, a'i sefydlu ar ffrydiau'r dyfnder.

³Pwy sy'n cael dringo mynydd yr ARGLWYDD? Pwy sy'n cael sefyll yn ei deml sanctaidd? —

⁴Yr un sy'n gwneud beth sy'n iawn a'i gymhellion yn bur; yr un sydd ddim yn twyllo neu'n addo rhywbeth heb fwriadu ei gyflawni.

⁵Mae'r ARGLWYDD yn bendithio pobl felly; byddan nhw'n cael eu derbyn i berthynas iawn gyda'r Duw sy'n achub.

⁶Dyma'r math o bobl sy'n cael troi ato: y rhai sydd eisiau dy gwmni di, O Dduw Jacob. Saib

⁷Giatiau'r ddinas, edrychwch! Agorwch, chi ddrysau tragwyddol, er mwyn i'r Brenin gwych gael dod i mewn!

⁸Pwy ydy'r Brenin gwych yma? — yr ARGLWYDD, cryf a dewr, yr ARGLWYDD sy'n ennill pob brwydr!

⁹Giatiau'r ddinas, edrychwch! Agorwch, chi ddrysau tragwyddol, er mwyn i'r Brenin gwych gael dod i mewn!

¹⁰Pwy ydy'r Brenin gwych yma? — Yr ARGLWYDD holl-bwerus! Fe ydy'r Brenin gwych! Saib