Read Gobaith i Gymru Salm 26 Bible Online

Salm 26 - Gobaith i Gymru bible

Salm 26

¹Salm Dafydd. [1] Achub fy ngham, O ARGLWYDD, dw i wedi bod yn onest. Dw i wedi dy drystio di ARGLWYDD bob amser.

²Archwilia fi, ARGLWYDD; gosod fi ar brawf! Treiddia i'm meddwl a'm cydwybod.

³Dw i'n gwybod mor ffyddlon wyt ti — a dyna sydd yn fy ysgogi i fynd ymlaen.

⁴Dw i ddim yn derbyn cyngor gan bobl sy'n twyllo, nac yn cymysgu gyda rhai sy'n anonest.

⁵Dw i'n casáu cwmni dynion drwg, ac yn gwrthod cyngor pobl felly.

⁶Dw i'n golchi fy nwylo'n lân, ac am gerdded o gwmpas dy allor, O ARGLWYDD.

⁷Dw i eisiau diolch i ti, a dweud am y pethau rhyfeddol wnest ti.

⁸O ARGLWYDD, dw i'n caru'r deml lle rwyt ti'n byw; y fan lle mae dy ysblander i'w weld.

⁹Paid ysgubo fi i ffwrdd gyda phechaduriaid, na'm lladd gyda'r bobl dreisgar

¹⁰sydd bob amser yn cynllwyn rhyw ddrwg, neu'n barod i gynnig breib.

¹¹Dw i wedi bod yn onest. Gollwng fi'n rhydd! Bydd yn garedig ata i!

¹²Dw i'n gwybod fy mod i'n saff. Bydda i'n addoli'r ARGLWYDD eto gyda'i bobl.