Read Gobaith i Gymru Salm 28 Bible Online

Salm 28 - Gobaith i Gymru bible

Salm 28

¹Salm Dafydd. [1] O ARGLWYDD, arnat ti dw i'n galw! Paid diystyru fi — ti ydy fy nghraig i. Os gwnei di ddim ateb bydda i'n siŵr o ddisgyn i'r bedd!

²Gwranda arna i'n galw — dw i'n erfyn am drugaredd! Dw i'n estyn fy nwylo at dy deml sanctaidd.

³Paid llusgo fi i ffwrdd gyda'r rhai drwg, y bobl hynny sy'n gwneud dim byd ond drwg. Maen nhw'n dweud pethau sy'n swnio'n garedig ond does dim byd ond malais yn y galon.

⁴Tala yn ôl iddyn nhw am wneud y fath beth! Rho iddyn nhw beth maen nhw'n ei haeddu! Cosba nhw!

⁵Dŷn nhw ddim yn deall y ffordd mae'r ARGLWYDD yn gweithio. Bydd e'n eu bwrw nhw i lawr, a fyddan nhw byth yn codi eto!

⁶Bendith ar yr ARGLWYDD! Ydy, mae e wedi gwrando arna i yn erfyn am drugaredd!

⁷Mae'r ARGLWYDD yn rhoi nerth i mi; mae e'n darian i'm hamddiffyn. Dw i'n ei drystio fe'n llwyr. Daeth i'm helpu, a dw i wrth fy modd! Felly dw i'n mynd i ganu mawl iddo!

⁸Mae'r ARGLWYDD yn gwneud ei bobl yn gryf. Mae e fel caer yn amddiffyn ac yn achub ei eneiniog, y brenin.

⁹Achub dy bobl! Bendithia dy bobl sbesial! Gofala amdanyn nhw fel bugail a'u cario yn dy freichiau bob amser!