Read Gobaith i Gymru Salm 3 Bible Online

Salm 3 - Gobaith i Gymru bible

Salm 3

¹Salm gan Dafydd pan oedd yn ffoi oddi wrth ei fab Absalom. [5†] [1] O ARGLWYDD, mae gen i gymaint o elynion! Mae cymaint o bobl yn ymosod arna i.

²Mae cymaint ohonyn nhw'n dweud, “Fydd Duw ddim yn dod i'w achub e!” Saib

³Ond ARGLWYDD, rwyt ti fel tarian o'm cwmpas. Ti ydy'r Un dw i'n brolio amdano! Ti ydy'r Un sy'n rhoi hyder i mi.

⁴Dim ond i mi weiddi'n uchel ar yr ARGLWYDD, bydd e'n fy ateb i o'i fynydd cysegredig. Saib

⁵Dw i wedi gallu gorwedd i lawr, cysgu a deffro, am fod yr ARGLWYDD yn gofalu amdana i.

⁶Does gen i ddim ofn y miloedd o filwyr sy'n ymosod arna i o bob cyfeiriad.

⁷Côd, ARGLWYDD! Achub fi, O fy Nuw. Rho glatsien iawn i'm gelynion i gyd. Torra ddannedd y rhai drwg.

⁸“Yr ARGLWYDD sy'n achub!” Rwyt ti'n bendithio dy bobl! Saib