Read Gobaith i Gymru Salm 4 Bible Online

Salm 4 - Gobaith i Gymru bible

Salm 4

¹I'r arweinydd cerdd: Salm i gyfeiliant offerynnau llinynnol. Salm Dafydd. [1] O Dduw, ateb fi pan dw i'n galw arnat! Ti ydy'r un sy'n achub fy ngham! Dw i mewn argyfwng, ond gelli di ddod â fi allan. Dangos drugaredd ata i, a gwrando ar fy ngweddi.

²“Chi bobl feidrol, am faint mae fy enw i gael ei sarhau? Am faint ydych chi'n mynd i roi'ch bryd ar bethau diwerth, a dilyn pethau twyllodrus?” Saib

³Deallwch fod yr ARGLWYDD yn cadw'r rhai ffyddlon iddo'i hun! Mae'r ARGLWYDD yn clywed pan dw i'n galw arno.

⁴Dylech chi grynu mewn ofn, a stopio pechu! Myfyriwch ar y peth ar eich gwely, a dechreuwch wylo.

⁵Dewch â chyflwyno'r aberthau iawn iddo; trowch a trystio'r ARGLWYDD.

⁶Mae llawer yn gofyn, “Pryd welwn ni ddyddiau da eto?” O ARGLWYDD, wnei di fod yn garedig aton ni?

⁷Gwna fi'n hapus eto, fel yr adeg pan mae'r cnydau ŷd a grawnwin yn llwyddo.

⁸Bydda i'n gallu gorwedd i lawr a chysgu'n dawel, am dy fod ti, O ARGLWYDD, yn fy nghadw i'n saff.