Read Gobaith i Gymru Salm 52 Bible Online

Salm 52 - Gobaith i Gymru bible

Salm 52

¹I'r arweinydd cerdd: Mascîl. Salm gan Dafydd, pan aeth Doeg o Edom at Saul a dweud wrtho, “Mae Dafydd wedi dod i dŷ Achimelech.” [23†] [1] Wyt ti'n falch o'r drwg wnest ti, ac yn meddwl dy fod ti'n dipyn o arwr? Wel, dw i'n gwybod fod Duw yn ffyddlon!

²Rwyt ti'n cynllwynio dinistr, ac mae dy dafod di fel rasel finiog, y twyllwr!

³Mae drwg yn well na da gen ti, a chelwydd yn well na dweud y gwir. Saib

⁴Ti'n hoffi dweud pethau sy'n gwneud niwed i bobl, ac yn twyllo pobl.

⁵Ond bydd Duw yn dy daro i lawr unwaith ac am byth! Bydd yn dy gipio allan o dy babell, ac yn dy lusgo i ffwrdd o dir y byw. Saib

⁶Bydd y rhai sy'n iawn gyda Duw yn gweld y peth, ac wedi eu syfrdanu. Byddan nhw'n chwerthin ar dy ben, ac yn dweud,

⁷“Edrychwch! Dyma'r dyn oedd yn gwrthod troi at Dduw am help! Y dyn oedd yn pwyso ar ei gyfoeth, ac yn meddwl ei fod yn dipyn o foi yn dinistrio pobl eraill!”

⁸Ond dw i'n llwyddo fel coeden olewydd sy'n tyfu yn nhŷ Dduw! Dw i'n trystio Duw am ei fod yn ffyddlon bob amser.

⁹Bydda i'n dy foli di am byth, O Dduw, am beth rwyt ti wedi ei wneud. Dw i'n mynd i obeithio yn dy enw di. Mae'r rhai sy'n ffyddlon i ti yn gwybod mor dda wyt ti!