Read Gobaith i Gymru Salm 58 Bible Online

Salm 58 - Gobaith i Gymru bible

Salm 58

¹I'r arweinydd cerdd: Ar yr alaw "Paid dinistrio". Salm wedi ei hysgrifennu gan Dafydd. [1] Chi arweinwyr, ydych chi'n rhoi dedfryd gyfiawn? Ydych chi'n barnu pobl yn deg?

²Na! Dych chi'n anghyfiawn, ac yn lledu trais ym mhobman.

³Mae rhai drwg felly yn troi cefn ers cael eu geni; yn dweud celwydd a mynd eu ffordd eu hunain o'r dechrau.

⁴Maen nhw'n brathu fel neidr wenwynig, neu gobra sy'n cau ei chlustiau.

⁵Mae'n gwrthod gwrando ar alaw y swynwr, er mor hyfryd ydy'r alaw i'w hudo.

⁶Torra eu dannedd nhw, O Dduw! Dryllia ddannedd y llewod ifanc, ARGLWYDD.

⁷Gwna iddyn nhw ddiflannu fel dŵr mewn tir sych; gwna iddyn nhw saethu saethau wedi eu torri.

⁸Gwna nhw fel ôl malwen yn toddi wrth iddi symud; neu blentyn wedi marw yn y groth cyn gweld golau dydd!

⁹Bydd Duw yn eu hysgubo nhw i ffwrdd fel storm wyllt, cyn i grochan deimlo gwres tân agored.

¹⁰Bydd y duwiol mor hapus wrth weld dial ar yr annhegwch. Byddan nhw'n trochi eu traed yng ngwaed y rhai drwg!

¹¹A bydd pobl yn dweud, “Felly mae'r rhai sy'n gwneud beth sy'n iawn yn cael gwobr! Mae yna Dduw sydd yn barnu ar y ddaear!”