Read Gobaith i Gymru Salm 61 Bible Online

Salm 61 - Gobaith i Gymru bible

Salm 61

¹I'r arweinydd cerdd: I gyfeiliant offerynnau llinynnol. Salm Dafydd. [1] Gwranda arna i'n galw, O Dduw. Gwranda ar fy ngweddi.

²Dw i'n galw arnat ti o ben draw'r byd. Pan dw i'n anobeithio, arwain fi at graig uchel ddiogel.

³Achos rwyt ti'n le saff i mi fynd; yn gaer gref lle all fy ngelynion ddim dod.

⁴Gad i mi aros yn dy babell am byth, yn saff dan gysgod dy adenydd. Saib

⁵O Dduw, clywaist yr addewidion wnes i; ti wedi rhoi etifeddiaeth i mi gyda'r rhai sy'n dy addoli.

⁶Gad i'r brenin fyw am flynyddoedd eto! Gad iddo fyw am genedlaethau lawer,

⁷ac eistedd ar yr orsedd o flaen Duw am byth! Gwylia drosto gyda dy gariad a dy ofal ffyddlon.

⁸Yna byddaf yn canu mawl i dy enw am byth, wrth i mi gadw fy addewidion i ti bob dydd.