Read Gobaith i Gymru Salm 67 Bible Online

Salm 67 - Gobaith i Gymru bible

Salm 67

¹I'r arweinydd cerdd: Cân i gyfeiliant offerynnol. Salm. [1] O Dduw, dangos drugaredd aton ni a'n bendithio ni. Bydd yn garedig wrthon ni. Saib

²Wedyn bydd pawb drwy'r byd yn gwybod sut un wyt ti; bydd y gwledydd i gyd yn gwybod dy fod ti'n gallu achub.

³Bydd pobloedd yn dy foli, O Dduw; bydd y bobloedd i gyd yn dy foli di!

⁴Bydd y cenhedloedd yn dathlu ac yn gweiddi'n llawen, am dy fod ti'n barnu'n hollol deg, ac yn arwain cenhedloedd y ddaear. Saib

⁵Bydd pobloedd yn dy foli, O Dduw; bydd y bobloedd i gyd yn dy foli di!

⁶Mae'r tir yn rhoi ei gynhaeaf i ni! O Dduw, ein Duw, dal ati i'n bendithio.

⁷O Dduw, bendithia ni! Wedyn bydd pobl drwy'r byd i gyd yn dy addoli.