Read Gobaith i Gymru Salm 8 Bible Online

Salm 8 - Gobaith i Gymru bible

Salm 8

¹I'r arweinydd cerdd: Salm ar yr alaw "Y Gwinwryf". Salm Dafydd. [1] O ARGLWYDD, ein brenin, mae dy enw di mor fawr drwy'r byd i gyd! Mae dy ysblander yn gorchuddio'r nefoedd yn gyfan!

²Gyda lleisiau plant bach a babanod rwyt yn dangos dy nerth, yn wyneb dy elynion, i roi diwedd ar y gelyn sy'n hoffi dial.

³Wrth edrych allan i'r gofod, a gweld gwaith dy fysedd, y lleuad a'r sêr a osodaist yn eu lle,

⁴Beth ydy pobl i ti boeni amdanyn nhw? Pam cymryd sylw o un person dynol?

⁵Rwyt wedi ei wneud ond ychydig is na'r bodau nefol, ac wedi ei goroni ag ysblander a mawredd!

⁶Rwyt wedi ei wneud yn feistr ar waith dy ddwylo, a gosod popeth dan ei awdurdod —

⁷defaid ac ychen o bob math, a hyd yn oed yr anifeiliaid gwylltion;

⁸yr adar sy'n hedfan, y pysgod sy'n y môr, a phopeth arall sy'n teithio ar gerrynt y moroedd.

⁹O ARGLWYDD, ein brenin, mae dy enw di mor fawr drwy'r byd i gyd!