Read Gobaith i Gymru Salm 80 Bible Online

Salm 80 - Gobaith i Gymru bible

Salm 80

¹I'r arweinydd cerdd: Salm gan Asaff ar “Lilïau'r Dystiolaeth”. [1] Gwrando, o fugail Israel sy'n arwain Joseff fel praidd. Ti sydd wedi dy orseddu uwch ben y ceriwbiaid, disgleiria

²o flaen Effraim, Benjamin, a Manasse! Dangos dy nerth i ni, a tyrd i'n hachub!

³Adfer ni, O Dduw! Gwena'n garedig arnon ni! [43†] Achub ni!

⁴O ARGLWYDD Dduw holl-bwerus, am faint mwy rwyt ti'n mynd i fod yn ddig gyda gweddïau dy bobl?

⁵Ti wedi eu bwydo nhw â dagrau, a gwneud iddyn nhw yfed dagrau wrth y gasgen.

⁶Ti wedi troi ein cymdogion yn ein herbyn; mae'n gelynion yn gwneud sbort ar ein pennau.

⁷O Dduw holl-bwerus, adfer ni! Gwena'n garedig arnon ni! Achub ni!

⁸Cymeraist winwydden o'r Aifft, a gyrru cenhedloedd i ffwrdd er mwyn ei thrawsblannu hi.

⁹Cliriaist le iddi, er mwyn iddi fwrw gwreiddiau a llenwi'r tir.

¹⁰Roedd ei chysgod dros y mynyddoedd, a'i changhennau fel rhai coed cedrwydd.

¹¹Roedd ei changhennau'n cyrraedd at y môr [44], a'i brigau at afon Ewffrates.

¹²Pam wnest ti fwrw'r wal o'i chwmpas i lawr, fel bod pwy bynnag sy'n pasio heibio yn pigo ei ffrwyth?

¹³Mae'r baedd gwyllt wedi tyrchu o dani, a'r pryfed yn bwyta ei dail.

¹⁴O Dduw holl-bwerus, tro yn ôl aton ni! Edrych i lawr o'r nefoedd ac archwilia gyflwr dy winwydden!

¹⁵Ti dy hun wnaeth ei phlannu, a gwneud iddi dyfu.

¹⁶Ond bellach mae hi wedi ei llosgi a'i thorri i lawr! Mae wedi ei difetha gan dy gerydd di.

¹⁷Nertha'r dyn rwyt wedi ei ddewis; yr un dynol rwyt wedi ei wneud yn gryf.

¹⁸Wnawn ni ddim troi cefn arnat ti. Adfywia ni, a byddwn ni'n galw ar dy enw.

¹⁹O ARGLWYDD Dduw holl-bwerus, adfer ni! Gwena'n garedig arnon ni! Achub ni!