Read Gobaith i Gymru Salm 82 Bible Online

Salm 82 - Gobaith i Gymru bible

Salm 82

¹Salm gan Asaff. [1] Mae Duw'n sefyll i fyny yn y cyngor dwyfol; ac yn cyhoeddi dedfryd yng nghanol y ‛duwiau‛.

²“Am faint ydych chi'n mynd i farnu'n anghyfiawn a dangos ffafr at y rhai sy'n gwneud drwg?” Saib

³“Dylech roi dedfryd o blaid y gwan a'r amddifad! Sefyll dros hawliau y rhai anghenus sy'n cael eu gorthrymu!

⁴Cadw'r rhai sy'n wan a di-rym yn saff a'u hachub nhw o afael pobl ddrwg!”

⁵Ond dŷn nhw'n deall dim. Maen nhw'n crwydro yn y tywyllwch, tra mae sylfeini'r ddaear yn ysgwyd!

⁶Dywedais, “Duwiau ydych chi”, “meibion y Duw Goruchaf bob un ohonoch.

⁷Ond byddwch yn marw fel pobl feidrol; byddwch yn syrthio fel unrhyw arweinydd dynol.”

⁸Cod, O Dduw, i farnu'r byd! Dy etifeddiaeth di ydy'r cenhedloedd i gyd.