Read Gobaith i Gymru Salm 95 Bible Online

Salm 95 - Gobaith i Gymru bible

Salm 95

¹Dewch, gadewch i ni ganu'n llawen i'r ARGLWYDD, a gweiddi'n mawl i'r Graig sy'n ein hachub!

²Gadewch i ni fynd ato yn llawn diolch; gweiddi'n uchel a chanu mawl iddo!

³Achos yr ARGLWYDD ydy'r Duw mawr; y Brenin mawr sy'n uwch na'r ‛duwiau‛ i gyd.

⁴Mae mannau dyfna'r ddaear yn ei ddwylo, a chopaon y mynyddoedd hefyd!

⁵Fe sydd piau'r môr, am mai fe wnaeth ei greu; a'r tir hefyd, gan mai ei ddwylo fe wnaeth ei siapio.

⁶Dewch, gadewch i ni ei addoli ac ymgrymu iddo; mynd ar ein gliniau o flaen yr ARGLWYDD ein Crëwr.

⁷Fe ydy'n Duw ni, a ni ydy ei bobl e; y defaid mae'n gofalu amdanyn nhw. O na fyddech chi'n gwrando arno heddiw!

⁸“Peidiwch bod yn ystyfnig fel yn Meriba, neu ar y diwrnod hwnnw yn Massa, yn yr anialwch. [58†]

⁹Yno roedd eich hynafiaid wedi herio fy awdurdod, a phrofi fy amynedd, er eu bod wedi gweld beth wnes i!

¹⁰Am bedwar deg mlynedd ron i'n eu ffieiddio nhw: ‘Maen nhw'n bobl hollol anwadal,’ meddwn i; ‘dyn nhw ddim eisiau fy nilyn i.’

¹¹Felly digiais, a dweud ar lw, ‘Chân nhw byth fynd i'r lle sy'n saff i orffwys gyda mi!’”