Read Gobaith i Gymru Salm 96 Bible Online

Salm 96 - Gobaith i Gymru bible

Salm 96

¹Canwch gân newydd i'r ARGLWYDD. Y ddaear gyfan, canwch i'r ARGLWYDD!

²Canwch i'r ARGLWYDD! Canmolwch ei enw, a dweud bob dydd sut mae e'n achub.

³Dwedwch wrth y cenhedloedd mor wych ydy e; wrth yr holl bobloedd am y pethau rhyfeddol mae'n eu gwneud.

⁴Mae'r ARGLWYDD yn Dduw mawr ac yn haeddu ei foli! Mae'n haeddu ei barchu fwy na'r ‛duwiau‛ eraill i gyd.

⁵Eilunod diwerth ydy duwiau'r holl bobloedd, ond yr ARGLWYDD wnaeth greu y nefoedd!

⁶Mae ei ysblander a'i urddas yn amlwg; mae ei gryfder a'i harddwch yn ei deml.

⁷Dewch bobl y cenhedloedd! Cyhoeddwch! Cyhoeddwch mor wych ac mor gryf ydy'r ARGLWYDD!

⁸Cyhoeddwch mor wych ydy ei enw da! Dewch i'w deml i gyflwyno rhodd iddo!

⁹Plygwch i addoli'r ARGLWYDD sydd mor hardd yn ei gysegr! Crynwch o'i flaen, bawb drwy'r byd!

¹⁰Dwedwch ymysg y cenhedloedd, “Yr ARGLWYDD sy'n teyrnasu!” Felly mae'r ddaear yn saff, does dim modd ei symud. Bydd e'n barnu'r byd yn deg.

¹¹Boed i'r nefoedd a'r ddaear ddathlu'n llawen! Boed i'r môr a phopeth sydd ynddo weiddi!

¹²Boed i'r caeau a'u cnydau ddathlu! Bydd holl goed y goedwig yn siffrwd yn llawen

¹³o flaen yr ARGLWYDD, am ei fod yn dod — mae'n dod i roi trefn ar y ddaear! Bydd yn barnu'r byd yn hollol deg, a'r bobloedd i gyd ar sail beth sy'n wir.