Read Gobaith i Gymru Eseia 12 Bible Online

Eseia 12 - Gobaith i Gymru bible

Eseia 12

¹Bryd hynny, byddi'n dweud: “Dw i eisiau diolch i ti, O ARGLWYDD! Er dy fod wedi digio gyda fi, rwyt wedi troi oddi wrth dy ddig a'm cysuro.

²Edrychwch ar y Duw sydd wedi fy achub i! [38†] Bydda i'n ei drystio, a fydd gen i ddim ofn. Yr ARGLWYDD sy'n rhoi nerth a chân i mi! Yr ARGLWYDD sydd wedi fy achub i.” [39†]

³Byddwch yn codi dŵr yn llawen o ffynhonnau achubiaeth.

⁴Byddwch yn dweud bryd hynny: “Diolchwch i'r ARGLWYDD, a galw ar ei enw. Dwedwch wrth bobl y gwledydd beth wnaeth e; Cyhoeddwch fod ei enw wedi ei godi'n uchel.

⁵Canwch salmau i'r ARGLWYDD, am iddo wneud peth mawr! Gwnewch yn siŵr fod y byd i gyd yn gwybod am y peth!

⁶Bloeddiwch ganu'n llawen, chi sy'n byw yn Seion! Mae'r Un sydd yn eich plith yn fawr — Un Sanctaidd Israel.”