Read Gobaith i Gymru Eseia 18 Bible Online

Eseia 18 - Gobaith i Gymru bible

Eseia 18

¹Gwae wlad yr adenydd chwim wrth afonydd dwyrain Affrica! [59] [60†] Mae'n anfon negeswyr dros y môr, mewn cychod brwyn ar wyneb y dŵr.

²Ewch, negeswyr cyflym, at genedl o bobl dal gyda chroen llyfn — pobl sy'n cael eu hofni ym mhobman; cenedl gref sy'n hoffi ymladd, sydd â'i thir wedi ei rannu gan afonydd.

³“Gwrandwch bawb drwy'r byd i gyd; pawb sy'n byw ar y ddaear: Byddwch yn ei weld! — fel baner ar ben y bryniau. Byddwch yn ei glywed! — fel sŵn y corn hwrdd [61] yn cael ei chwythu!”

⁴Dyma ddwedodd yr ARGLWYDD wrtho i: “Dw i'n mynd i aros yn llonydd ac edrych o'm lle — fel tes yr haul yn tywynnu, neu gwmwl gwlith yng ngwres y cynhaeaf.”

⁵Adeg y cynhaeaf grawn, pan mae'r blagur wedi mynd, a'r grawnwin yn dechrau aeddfedu, bydd yn torri'r brigau gyda chyllell, ac yn tocio'r canghennau sy'n lledu.

⁶Bydd y cwbl yn cael ei adael i'r eryrod ar y mynydd ac i'r anifeiliaid gwylltion. Bydd yr adar yn byw drwy'r haf arnyn nhw, a'r anifeiliaid gwylltion trwy'r gaeaf.

⁷Bryd hynny bydd pobl dal gyda chroen llyfn yn dod â rhoddion i'r ARGLWYDD holl-bwerus — pobl sy'n cael eu hofni ym mhobman; cenedl gref sy'n hoffi ymladd, sydd â'i thir wedi ei rannu gan afonydd. Dônt i'r lle mae enw'r ARGLWYDD holl-bwerus arno: i Fynydd Seion.