Read Gobaith i Gymru Eseia 4 Bible Online

Eseia 4 - Gobaith i Gymru bible

Eseia 4

¹Bryd hynny, bydd saith o ferched yn gafael mewn un dyn, ac yn dweud, “Gad i ni dy briodi di — Gwnawn fwyta ein bwyd ein hunain, a gwisgo'n dillad ein hunain. Ond cymer ein cywilydd ni i ffwrdd!” [12]

²Bryd hynny, bydd blaguryn yr ARGLWYDD yn rhoi harddwch ac ysblander, a bydd ffrwyth y tir yn cynnig urddas a mawredd, i'r ychydig rai fydd ar ôl yn Israel.

³Bydd y rhai sydd ar ôl yn Seion, ac wedi eu gadael yn Jerwsalem yn cael eu galw'n sanctaidd — pawb sydd wedi eu cofnodi i fyw yn Jerwsalem.

⁴Pan fydd yr ARGLWYDD wedi glanhau budreddi merched Seion, bydd yn cael gwared ag euogrwydd Jerwsalem — trwy farnu a charthu.

⁵Bydd yr ARGLWYDD yn dod â chwmwl yn y dydd a thân yn llosgi yn y nos, [13†] a'i osod uwchben y cysegr a'r man cyfarfod ar Fynydd Seion. Yn wir, bydd ei ysblander yn hongian fel canopi dros bopeth. [14†]

⁶Bydd fel caban i gysgodi rhag y gwres yn ystod y dydd, ac yn lloches i gysgodi rhag y storm o law.