Read Gobaith i Gymru Numeri 1 Bible Online

Numeri 1 - Gobaith i Gymru bible

Numeri 1

¹Flwyddyn ar ôl i bobl Israel adael gwlad yr Aifft, ar ddiwrnod cyntaf yr ail fis, [1] dyma'r ARGLWYDD yn siarad â Moses. Digwyddodd hyn yn y babell lle roedd Duw yn cyfarfod pobl, pan oedd pobl Israel yn anialwch Sinai. Dwedodd:

²“Dw i eisiau i ti gynnal cyfrifiad o holl bobl Israel. Dw i eisiau i ti restru enwau'r dynion i gyd —

³pawb sydd dros ugain oed ac yn gallu ymuno â'r fyddin. Ti ac Aaron sydd i drefnu hyn,

⁴gyda help un dyn o bob llwyth sy'n arweinydd ar ei deulu estynedig.

⁵ [5-15] “Dyma enwau'r dynion sydd i'ch helpu chi: [Llwyth] — [Arweinydd] Reuben — Elisur fab Shedeŵr Simeon — Shelwmiel fab Swrishadai Jwda — Nachshon fab Aminadab Issachar — Nethanel fab Tswár Sabulon — Eliab fab Chelon Yna meibion Joseff: Effraim — Elishama fab Amihwd Manasse — Gamaliel fab Pedatswr Wedyn, Benjamin — Abidan fab Gideoni Dan — Achieser fab Amishadai Asher — Pagiel fab Ochran Gad — Eliasaff fab Dewel Nafftali — Achira fab Enan.”

¹⁶Dyna'r arweinwyr gafodd eu dewis o bob llwyth, yn benaethiaid ar bobl Israel.

¹⁷Felly dyma Moses ac Aaron, a'r dynion yma gafodd eu henwi,

¹⁸yn casglu'r bobl i gyd at ei gilydd y diwrnod hwnnw, sef diwrnod cyntaf yr ail fis. A cafodd pawb eu cofrestru, gan nodi'r llwyth a'r teulu roedden nhw'n perthyn iddo. Cafodd pob un o'r dynion oedd dros ugain oed eu rhestru,

¹⁹yn union fel roedd yr ARGLWYDD wedi gorchymyn i Moses. Digwyddodd y cyfrifiad yma yn anialwch Sinai.

²⁰ [20-43] A dyma'r canlyniadau, sef nifer y dynion dros ugain oed allai ymuno â'r fyddin, gan ddechrau gyda Reuben (mab hynaf Israel): [Llwyth] — [Nifer] Reuben — 46,500 Simeon — 59,300 Gad — 45,650 Jwda — 74,600 Issachar — 54,400 Sabulon — 57,400 Yna meibion Joseff: Effraim — 40,500 Manasse — 32,200 Wedyn, Benjamin — 35,400 Dan — 62,700 Asher — 41,500 Nafftali — 53,400

⁴⁴Dyma niferoedd y dynion gafodd eu cyfri gan Moses, Aaron, a'r deuddeg arweinydd (pob un yn cynrychioli llwyth ei hynafiad).

⁴⁵Cawson nhw eu cyfrif yn ôl eu teuluoedd — pob un dyn oedd dros ugain oed ac yn gallu ymuno â'r fyddin.

⁴⁶A'r cyfanswm oedd 603,550.

⁴⁷Ond doedd y cyfanswm yna ddim yn cynnwys y dynion o lwyth Lefi.

⁴⁸Roedd yr ARGLWYDD wedi dweud wrth Moses,

⁴⁹“Paid cynnwys llwyth Lefi yn y cyfrifiad.

⁵⁰Mae'r Lefiaid i fod i ofalu am Dabernacl y Dystiolaeth, a'r holl ddodrefn a'r offer sydd ynddo. Nhw sydd i'w gario, gofalu amdano, a gwersylla o'i gwmpas.

⁵¹Pan mae'r Tabernacl yn cael ei symud, y Lefiaid sydd i'w dynnu i lawr a'i godi eto. Os ydy rhywun arall yn mynd yn agos ato, y gosb fydd marwolaeth.

⁵²“Bydd lle penodol i bob un o lwythau Israel wersylla, a bydd gan bob llwyth ei fflag ei hun.

⁵³Ond bydd y Lefiaid yn gwersylla o gwmpas Tabernacl y Dystiolaeth, i amddiffyn pobl Israel rhag i'r ARGLWYDD ddigio gyda nhw. Cyfrifoldeb y Lefiaid ydy gofalu am Dabernacl y Dystiolaeth.”

⁵⁴Felly dyma bobl Israel yn gwneud yn union fel roedd yr ARGLWYDD wedi dweud wrth Moses.