Read Gobaith i Gymru Numeri 2 Bible Online

Numeri 2 - Gobaith i Gymru bible

Numeri 2

¹Dyma'r ARGLWYDD yn dweud wrth Moses ac Aaron:

²Rhaid i bobl Israel wersylla o gwmpas Pabell presenoldeb Duw (sef y Tabernacl), gan wynebu'r Tabernacl. Mae pawb i wersylla o dan fflag eu llwyth eu hunain.

³[3-9] Ar yr ochr ddwyreiniol bydd adrannau'r tri llwyth yma yn gwersylla dan eu fflag: [Llwyth] — [Arweinydd] — [Nifer] Jwda — Nachshon fab Aminadab — 74,600 Issachar — Nethanel fab Tswár — 54,400 Sabulon — Eliab fab Chelon — 57,400 — Cyfanswm: — 186,400 Y milwyr ar ochr Jwda o'r gwersyll fydd yn arwain y ffordd pan fydd pobl Israel yn symud.

¹⁰ [10-16] I'r de bydd adrannau tri llwyth arall yn gwersylla dan eu fflag: [Llwyth] — [Arweinydd] — [Nifer] Reuben — Elisur fab Shedeŵr — 46,500 Simeon — Shelwmiel fab Swrishadai — 59,300 Gad — Eliasaff fab Dewel [2] — 45,650 — Cyfanswm: — 151,450 Y milwyr yma ar ochr Reuben i'r gwersyll fydd yn ail i symud allan.

¹⁷Wedyn bydd gwersyll y Lefiaid yn symud, gyda Pabell presenoldeb Duw. Nhw fydd yn y canol. Mae'r llwythau i gyd i symud allan mewn trefn, pob un ohonyn nhw dan ei fflag ei hun.

¹⁸ [18-24] Ar yr ochr orllewinol bydd adrannau y tri llwyth nesaf yn gwersylla dan eu fflag: [Llwyth] — [Arweinydd] — [Nifer] Effraim — Elishama fab Amihwd — 40,500 Manasse — Gamaliel fab Pedatswr — 32,200 Benjamin — Abidan fab Gideoni — 35,400 — Cyfanswm: — 108,100 Y milwyr yma ar ochr Effraim i'r gwersyll fydd y trydydd i symud allan.

²⁵ [25-31] I'r gogledd bydd adrannau'r tri llwyth olaf yn gwersylla o dan eu fflag: [Llwyth] — [Arweinydd] — [Nifer] Dan — Achieser fab Amishadai — 62,700 Asher — Pagiel fab Ochran — 41,500 Nafftali — Achira fab Enan — 53,400 — Cyfanswm: — 157,600 Y milwyr yma ar ochr Dan i'r gwersyll fydd yn symud allan olaf. Bydd pob llwyth yn mynd dan ei fflag ei hun.

³²Dyma'r rhai gafodd eu cyfrif o Israel yn ôl eu llwythau. Cyfanswm y dynion yn yr adrannau i gyd ydy 603,550.

³³Doedd y Lefiaid ddim wedi cael eu cyfrif gyda gweddill pobl Israel. Dyna oedd yr ARGLWYDD wedi ei orchymyn i Moses.

³⁴Felly dyma bobl Israel yn gwneud popeth roedd yr ARGLWYDD wedi ei ddweud wrth Moses. Roedd pob llwyth a theulu yn gwersylla dan eu fflag eu hunain, ac yn symud gwersyll fel roedd yr ARGLWYDD wedi dweud.