Read Gobaith i Gymru Numeri 33 Bible Online

Numeri 33 - Gobaith i Gymru bible

Numeri 33

¹Dyma'r lleoedd wnaeth pobl Israel deithio iddyn nhw (yn eu trefn) ar ôl dod allan o wlad yr Aifft dan arweiniad Moses ac Aaron.

²Roedd Moses wedi cadw cofnod o wahanol gamau'r daith, fel roedd yr ARGLWYDD wedi gofyn iddo wneud. A dyma eu symudiadau nhw:

³Gadawodd pobl Israel Rameses ar y diwrnod ar ôl y Pasg, sef y pymthegfed diwrnod o'r mis cyntaf. Aethon nhw allan yn hyderus, o flaen pobl yr Aifft i gyd.

⁴Roedd pobl yr Aifft wrthi'n claddu eu meibion hynaf. Yr ARGLWYDD oedd wedi eu lladd nhw y noson cynt, ac wedi dangos fod eu duwiau nhw yn dda i ddim.

⁵Ar ôl gadael Rameses, dyma bobl Israel yn gwersylla yn Swccoth.

⁶Yna gadael Swccoth a gwersylla yn Etham, sydd ar ymyl yr anialwch.

⁷Gadael Etham a mynd yn ôl i gyfeiriad Pi-hachiroth, sydd i'r dwyrain o Baal-tseffon, a gwersylla wrth ymyl Migdol.

⁸Gadael Pi-hachiroth, a mynd trwy ganol y môr i'r anialwch yr ochr draw. Yna teithio am dri diwrnod yn anialwch Etham, a gwersylla yn Mara.

⁹Gadael Mara a gwersylla yn Elim, lle roedd deuddeg ffynnon a saith deg coeden balmwydd.

¹⁰Gadael Elim a gwersylla wrth y Môr Coch. [24]

¹¹Gadael y Môr Coch a gwersylla yn Anialwch Sin.

¹²Yna gadael Anialwch Sin a gwersylla yn Doffca.

¹³Gadael Doffca a gwersylla yn Alwsh.

¹⁴Gadael Alwsh a gwersylla yn Reffidim, lle doedd dim dŵr i bobl ei yfed.

¹⁵Gadael Reffidim a gwersylla yn anialwch Sinai.

¹⁶Gadael anialwch Sinai a gwersylla yn Cibroth-hattaäfa.

¹⁷Yna gadael Cibroth-hattaäfa a gwersylla yn Chatseroth.

¹⁸Gadael Chatseroth a gwersylla yn Rithma.

¹⁹Yna gadael Rithma a gwersylla yn Rimmon-perets.

²⁰Gadael Rimmon-perets a gwersylla yn Libna.

²¹Gadael Libna a gwersylla yn Rissa.

²²Gadael Rissa a gwersylla yn Cehelatha.

²³Gadael Cehelatha a gwersylla wrth Fynydd Sheffer.

²⁴Gadael Mynydd Sheffer a gwersylla yn Charada.

²⁵Gadael Charada a gwersylla yn Macelot.

²⁶Gadael Macelot a gwersylla yn Tachath.

²⁷Gadael Tachath a gwersylla yn Tera.

²⁸Gadael Tera a gwersylla yn Mithca.

²⁹Gadael Mithca a gwersylla yn Chashmona.

³⁰Gadael Chashmona a gwersylla yn Moseroth.

³¹Gadael Moseroth a gwersylla yn Bene-iaacan.

³²Gadael Bene-iaacan a gwersylla yn Chor-haggidgad.

³³Gadael Chor-haggidgad a gwersylla yn Iotbatha.

³⁴Gadael Iotbatha a gwersylla yn Afrona.

³⁵Gadael Afrona a gwersylla yn Etsion-geber.

³⁶Gadael Etsion-geber a gwersylla yn Cadesh yn anialwch Sin.

³⁷Gadael Cadesh a gwersylla wrth Fynydd Hor sydd ar ffin gwlad Edom.

³⁸Roedd yr ARGLWYDD wedi dweud wrth Aaron yr offeiriad am fynd i ben Mynydd Hor. A dyna lle buodd Aaron farw, ar ddiwrnod cynta'r pumed mis, bedwar deg o flynyddoedd ar ôl i bobl Israel ddod allan o wlad yr Aifft.

³⁹Roedd Aaron yn gant dau ddeg tri mlwydd oed pan fu farw.

⁴⁰Wedyn clywodd brenin Canaaneaidd Arad, oedd yn byw yn y Negef (de gwlad Canaan), fod pobl Israel ar eu ffordd.

⁴¹Yna dyma bobl Israel yn gadael Mynydd Hor a gwersylla yn Salmona.

⁴²Yna gadael Salmona a gwersylla yn Pwnon.

⁴³Gadael Pwnon a gwersylla yn Oboth.

⁴⁴Gadael Oboth a gwersylla yn Ïe-hafarîm, ar y ffin gyda Moab.

⁴⁵Gadael Ïe-hafarîm [25] a gwersylla yn Dibon-gad.

⁴⁶Gadael Dibon-gad a gwersylla yn Almon-diblathaim.

⁴⁷Gadael Almon-diblathaim a gwersylla ym mynyddoedd Afarîm, gyferbyn â Nebo.

⁴⁸Gadael mynyddoedd Afarîm a gwersylla ar wastatir Moab wrth Afon Iorddonen, gyferbyn â Jericho.

⁴⁹(Roedden nhw'n gwersylla ar wastatir Moab wrth Afon Iorddonen, yr holl ffordd o Beth-ieshimoth i Abel-sittim.)

⁵⁰Pan oedden nhw'n gwersylla ar wastatir Moab wrth Afon Iorddonen, gyferbyn â Jericho, dyma'r ARGLWYDD yn dweud wrth Moses:

⁵¹“Dywed wrth bobl Israel, ‘Pan fyddwch chi wedi croesi'r Iorddonen a mynd i mewn i wlad Canaan

⁵²dw i eisiau i chi yrru'r bobl sy'n byw yno allan o'r wlad. Rhaid i chi ddinistrio'r eilunod wedi eu cerfio, a'r delwau o fetel tawdd, a chwalu'r allorau paganaidd i gyd.

⁵³Dw i eisiau i chi gymryd y wlad drosodd, a setlo i lawr ynddi. Dw i wedi rhoi'r wlad i chi. Chi piau hi.

⁵⁴“‘Mae'r tir i gael ei rannu rhwng y claniau drwy fwrw coelbren. Mae faint o dir mae pob clan yn ei etifeddu yn dibynnu ar faint y clan — pa mor fawr neu fach ydy e. Ond mae'r lleoliad yn dibynnu ar ble mae'r coelbren yn syrthio. Mae i'w rannu rhwng llwythau'r hynafiaid.

⁵⁵Os na wnewch chi yrru'r bobl sy'n byw yno allan o'r wlad, fyddan nhw'n achosi dim byd ond trwbwl i chi — fel llwch yn eich llygaid neu ddraenen yn eich ochr.

⁵⁶A bydda i'n gwneud i chi beth roeddwn i'n bwriadu ei wneud iddyn nhw.’”